Angluni rachi kusa kontroli
Angluni rachi kusa kontroli

Opral 500 azylantura avile tela e angluni rachi.

"Keras buchi intrego vrama"
1:59 min

Shela manush avile ando shvedo chansasa te mangen azylo vaj te bolden pe palpale ande Danemarko, but anda lende ashile.

Abdul Alrzak si 41 bershengo thaj sas te tradel ando Norvego peska romniasa thaj peske 6 chavorenca, tela jekh rachi parudjilas leski situatcia sar nashutno.

Chi djanel sar te kerel te aresel ando Norvego ke te rodela vov azylo ando Shvedo chi birija vov kodo te kerel ande Norvego thaj vov musjasas te boldel pe palpale ande danemarko.

Sas kodol khaj loshanas ke sas specialne granici ke von sas inkerede ande specialne than khaj Migrationsverket thaj kote mangenas von azylo.

Fahim Abibi loshal ke avilas peska romniasa thaj chavorenca.

Policia dikhel o angluno djes kusa granitcienge kontroli sar jekh sucesovo djes. But manush sas dikhle pe gesha anda Danemarko thaj e parahodura anda Njamco.

Feri ke si len zurales but buchi si akanak thaj trobuj te kerel pe prioritatcia thaj e policia djukarel akanak pe e extra buchiara so avna lujine te zhutin len phenel o Jan Holmström khaj si dujto policiako sherutno ande region syd.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".