foto: Rafal Szoppe SR
Organizatorora aj organizatci katar o projekto Zutin manushen so mangen. foto:Rafal Szoppe
Nationalno

Zutin manushen so mangen

Zutin manushen so mangen
4:42 min

O Handelkammaren aj Citysamverkan ando Stockholmo kerde kado projekto te shaj kiden love katar manush so piren kaj lenge membrora.

Aj kadal love si te aven ulade mashkar trin organizatci Erikshjälpen, Hoppetsstjärna aj Hjärta till Hjärta aj kadalen organizatcien si experienso sar te zutin ande kadal tema katar e EU migrantora aven, ame vi diklam ke kadal organizatci zanen sar te zutin kadale manushen pe lungo vrama, te shaj kadal manush e rom so trajin ande rumunia te shaj vazden pe anda pesko choripe. Sar kaj sako manush so trajij ando Stockholmo vi me dikav kadalen so beshen aj mangen vi me dikav lengo choripe aj kadalesa so ame keras akanak kadale organizatcientca kam shaj zutisaras len pe lungo vrama sar kaj pendem. Kado pendas amenge e cherotni katar Stockholms Handelskammare Maria Rankka so si jek anda kadal so vazdas kado projekto.

Ame kamas ale kado lela lungo vrama ta avas kaj o punkto sostar si chorimata aj e manush e rom naj ande sistemoski inkludatcia aj mangen pe volici. Anda kado ame aba akanak keras butci edukaciasa, te avel lasho zutpe nasvalenge aj e manush te shaj keren butci te shaj aven len lenge love. Aj vi zutisaras e romen ande Rumunia te shaj aven len lenge lila te avel len patca ando tem.
Kado pendas o Biståndsanvarig Rickard Klerfors katar e organizatcia Hjärta till Hjärta.


Me gindoj ke kadol manush so si len botci vaj kaver bisnesora diken ke lenge klientora gindon sar te aven kadal so mangen zutime ande lungo vrama,aj angla mande me dikav ke kado shaj avel jek alternativa sar kadal manush shaj aven zutime ande jek lungo vrama, aj kadal so kamen te den love kodolen so mangen shaj vi kado te keren. Ame aba lam sama ke akanak kana aven but nashutne ando Shvedo e manush den e EU migranton maj cera akanak aj sar kaj pendem atuntci kado projekto si zurales latco lenge.
Kado pendas o Martin Valfridsson nationell samordnare pe butci pe EES-medborgare.


Kado si normalno ke zalezij kitci love von kiden andre sako djes, te kerena maj cera love maj cera manglitora aven ando Shvedo.
Anda kado me kamlemas amerntca organizatcenca ando Shvedo aj vi e kavre organizatcjenca so si ande Europa so zutin kadale manushen ande lenge tema, aj te sikaven alternativora ke o trajo shaj avel kaver aj maj latco lenge aj lenge chavorenge. Kado pendas o Martin Valfridson.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".