Nashutne adjes pasha Hyllie station ando Malmö. Foto: Johan Nilsson/TT
Nashutne adjes pasha Hyllie station ando Malmö. Foto: Johan Nilsson/TT

Naj dosta khera le asylantonge

E nashutne naken pa Öresundsbron aj e responsibiliteta perel po Malmö Stad
2:38 min

O Migrationsverket chi biri aba te del taho opral pa chero savorenge kaj roden asylo ando Svedo, aj penen kodole manushenge te roden zutipe kaj e komuni. Ale o Malmö stad penel ke o staten/them chi kerdas dosta.

- Ame inkras kodo so pendam tela lungo vrama, ke naj amen dosta thana kodole manushenge kaj trubuj len varikaj te trajin, penel e Jennie Sörman sektionschef på Migrationsverket i Region Syd.

Kade ke kodol kaj roden asylo naj savoren kaj te trajin.

O Migrationsverket aba but vrama penel ke e situacia le kherenca si akutno, feri ke dobiero adjes aven avri aj penen ke chi birin kodo te keren, te den savoren kon rodel asylo varikaj te trajin. Aj kaj si kade si e prioritacia famili chavorenca. Kon avel jek zeno bi chavorengo musaj pe kavere thaneste te zal.

- Naj amen kodi posibiliteta. Naj amen kaj te shas len taj kade del o socialtjänstlagen, penel e Jennie Sörman.

O Migrationsverket buchazi akanak te shaj kinel parahodura taj oljeriggar te shaj keren asylboeende anda le.

Ale ande kadi akutno situacia avla o Malmö Stad kodo foro kaj lela e maj bari responsibiliteta.

E komuna si aba opral 2000 chavora kaj avile jek zene aj soven ande provisoricni lokalura aj penen ke e statliga myndigheter trubun te zutin o migrationsverket kusa evakueringlokaler.

- Si lokalura, statliga lokalura aj chi acharaf sostar chi las jek solidarno responsibiliteta ketanes. Chak trubusardamas te beshas tele aj te diskutulisaras sar te zutisaras o Region Syd. Chi trubujas te avel kade ke e manush si pe vulici ando Malmö, penel e Annelie Larsson, asyl boeendirektör för sociala resursförvaltningen i Malmö.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".