Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/
Nyheter och program på romani

"Chi dine pe gindo pa kadi gruppa manush ando zakono"

Publicime fredag 27 november 2015 kl 10.37
Naj inkherde katar e regulura
(4:12 min)
Анника Страндхелль/ Annika Strandhäll. Foto: Tomas Oneborg/TT
Annika Strandhäll. Foto: Tomas Oneborg/TT

E Socialförsäkringsministerka e Annika Strandhäll phenel ke kodol djene ando Shvedo kaj si lenge pashe nasvale manush ando jek kaver them naj inkherde katar o shvedisko zakono.

- Vorta o närståendepenningen vaj o lov kaj shaj les kana djutis chire pashe manush si kherdo te birij o manush te avel kothe kaj trobuj peske pashe manusheske ande phare situaciji le trajoske. Thaj pala kode djanav me ke kodal fallura kaj si jek djeno kaj naj inshurovano ando shvedisko socialno systemo, atunchi maj pharesij, phenel e Socialförsäkringsministerka Annika Strandhäll.

Kodo kaj lel sama pala jek zurales nasvalo pashe manush shaj lel jek närståendepenning vaj ekonomicno supporto katar e Försäkringskassan anda kodol djesa kaj trobuj te avel volno anda peski buchi. Ferik ke kado supporto chi ginadzol kodol manushenge kana lenge pashe nasvale mnaush trajin ando jek kaver them sar Shvedo thaj naj inshurovani kathe.

E Socialförsäkringsminister Annika Strandhäll pachal ke chi dine pe gindo pa kadi gruppa manush kaj len sama pala pesko manush ando kaver them kana sas shutino o zakono.

- Shaj phenas ke sar o zakono mezij adjes kherdam ame ando systemo ke shaj avel jek kasavi situacia, ke si manush kaj phiren kaveres adjes pa intrego luma, atunchi trobuj te shaj birin te len sama pala peske manush ando kaver them thaj te lej djutipe, phenel e Strandhäll.

Jek bari gruppa manush ando Shvedo si le pashe manush kaj si nasvale, sar exemplo phuro dad thaj dej, kaj trajin ando kaver them. But anda lende len effekto kadalestar ande pesko sako djesesko trajo, si le jek dar thaj si vi prakticni konsekvensura len.

O närståendepenning si jek kompenzacija kana o jek manush hasarel anda pesko lov vaj inkomsto. Thaj e minsiterka phenel ke acharel ke kodo manush kaj inkherdzol katar o shvedisko systemo thaj pochinel taxo ando Shvedo shaj acharel ke kado naj vorta ke nashtik len vi von kado supporto kana lengo pashe manush trajij ande jek kaver them.

- Man si sa o respekto kana avel kaj jek kasavi phari situacia ando trajo, kaj o manush pherel ande late. Thaj vi si e manushes expektacia ke amaro systemo si te del djutipe ande kadal fallura, phenel e Annika Strandhäll.

Ferik ke si e ministerka preperovano te pharuvel e regulura kodolenge kaj len sama pala pesko pashe manush ando kaver them?

E Annika Strandhäll phenel ke si jek rhodipe akanak aktualno pa "svedisko socialno securita thaj inshuracia ande jek internationalno luma", kaj presentulina peske atvetura ando mars shon po kaver bersh.

Voj vi phenel ke kado pushipe avla vazdino ande kado rhodipe, ferik ke inke naj gatachi kado djutija kodolen kaj lenge manush vaj nipo trajin avri anda EU. E Socialförsäkringsministerka kamel te djukarel zi ke naj gata o rhodipe thaj avla presentovano, ferik ke phenel ke shaj avla o pushipe vazdino ande kaver righa.

- E luma pharudzol, manush phiren pa luma so majbut, thaj atunchi si normalnie ke ande kasave fallura te dikhas maj pashe pe kado pushipe thaj te das po agor ande kado, phenel e socialförsäkringsministerka Annika Strandhäll.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".