Lars Lokke Rasmussen
Danisko themesko-ministro Lars Lokke Rasmussen

Dania anel andre granjitsake kontroli

"Te shaj arakas aba solutsia"
1:55 min

O danisko themeskoministro Lars Lokke Rasmussen pendas adjes ando presskonferanso ke e Dania anel andre temporarni passportoske kontrolli karing o Najmtso.

Le kontrolli kezdina deshudongo adjes. Kado naj ke sako kaj site nakel perdal e granjitsa anda Njamsto, site kerel kontrolla, feri site len stickprov vaj probi.

Akana inke chi anen andre transporteroski firma te lishin le identefikasiake kontrolli, kado shaj kerna maj palal, anglunes kamen te cirden avri 10 djes maj but pe passportoske kontrolli ande Dania.

Varisoski reaktsia site avel kerdi, ke sar o shvedo las e desicija te anel andre identefikatsiake kontroli dela resultato ke so maj cera rodenape ando Shvedo, thaj o regeringo chi kamel e Dania te avel maj baro than le asylantonge, pendas o danisko themeskoministro Lars Lokke Rasmussen.

Vov vi penel ke kado si jekh signalo o EU te kezdij sar maj sigo te kerel desicija sar te protektulij le granjitsi vaj te shul "hotspots" ando EU, ke aba but vrama marenpe te shaj den pe jekh agor vaj solutsia.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".