Foto: Sveriges Radio
Foto: Sveriges Radio

O Radio Sweden paruvel peski organizatcia

Bare parujimata organizatciake ando Radio Sweden
4:25 min

E Sveriges Radio redaktcia Radio Sweden si ando baro parojipe.


Duj anda adjesotne redaktci e ryska aj tyska si te aven tele pandade. 5 anda e kaver redaktci e arbiska , engeska,kurdiska, persiska aj somaliska zan ander ande organizatcia kaj o ekot. Aj o radio romano zal kaj o finitcko Susuradio. Kadal parujimata si te aven gata de katar 1 april. Kado penel o Ingemar Löfgren.


O Shvedo si ando jek baro parujipe, amen si bare grupi minoritetora, aven but neve nashutne. Shaj penas ke paruvas o drom sar te keras butci, boldas amen kaj kadal neve grupi manush. Kado pendas o Ingemar Löfgren cherotno kaj o Radio Sweden.


O cherotno o Ingemar chi kamelas kado parojipe ande organizatcia te avel chinjardi, vi te si kade ke duj redaktci si tele shute. Vof penel ke kado si variso so zurarela intrego SR, 5 redaktci diferentne chibentca zan kaj o ekot aj keren journalistika pe peske chiba kote.

O Ingemar penel majdur ke du butca si ande kado, e 5 chiba si te keren majdur lashe nevimata pe lenge chiba ale von vi kerena kado kaj o Ekot te shaj bararen e nevimata kaj o Ekot. Pendas o Ingemar.

E Sofia Taavitsainen so si cherotni po Sisuradio vorbisardas amentca po Radio Romano pa kado parojipe ande organizatcia kaj o Radio Romano si te avel andre ando Sisuradio.

E Sofia penel ke kamlov te shaj zuraras amaro kompenso ketane jek jekesa. Ame keras sa kasvi butci vi ame sar tume sam nationalno minoriteto al leshisaras sa kasave butca. Me gindoj ke ame amela jek lashi koperacia jek jekesa, o Sisuradio chi penela sar o Radio Romano si te kerel butci feri ame kamas o Radio Romano te barol aj te avel jek lashi redaktcia.


Majdur penelas e Sofia ke chi trobuj te daras ke avena parujimata ande amaro programo, amari butci ketane si majbut feri ande organizatica ale ame kamas majdur te avel jek shukar koperacia mashkar amende. Kado pendas amenge e cherotni Sofia Taavitsainen katar o Sisuradio.


Akanak boldas amaro parahodo kanrink e neve Shvedanora an e neve nashutne, aj atuntci e chiba tyska aj ryska si variso katar e purani vrama.

Ande nevi Ekot organizatcia avela jek cherotno pe kadal 5 chiba so beshela ande direktcia aj o Cherotno Ingemar Löfgren del gancia ke o Radio Sweden kerela nevimata pe kaver chiba.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".