Foto: Björn Alm/Sveriges Radio
Foto: Björn Alm/Sveriges Radio

Zutin nashutnen - trajin ande dar

"Maren ame, chugarden pe ame"
4:37 min

E volontarno organizacia "Doktora ande luma" vaj Läkare i världen, kaj kheren buchi manushensa bi lilengo, line te den edukacia voleteron sar site inkren pe karing violencia thaj dar.

 

 

La organizacia Läkare i världen si le cirka 350 volenterura ando Shvedo thaj von len sama ke e dar karing le individura vazdas pe thela paluni vrama.

E Eliot Wieslander si generalno sekretarka ando Läkare i världen.

- Me chi pachav ke o gindo navet sas ke varekon dinov langa amere lokalura angla kado. Jek brandövning vaj treningo kana phabol adjes naj ferik pa so kerdzol te bistresa phabardi memeli, ferik ke so kerdzola te shudela varekon jek bensinaki bomba, so kherdzola te lela te phabol thela vudar, phenel e Eliot Wieslander anda Läkare i världen.

Ferik ke so si ginado sar jek dar karing e organizacia?

O Läkare i världen line akanak te den edukaciji peske volenteron sar te inkren pe kana avel kaj violencia thaj dar vaj hot, na ferik pa treningura kana phabol, ferik ke vi pa diskusiji krujal so shaj avel jek hot vaj dar karing e organizacia.

Sar si varekon sar exemplo te araklas chiro adreso thaj kherel telefono vaj bishavel lila. Vaj te shuvela avri o adreso pe xenofobicni sajtura thaj internetoske forum. E Eliot Wieslander pachal ke si importatno te vorbin pa kodo kaj shaj achardzol sar jek dar karing e volenterura.

Phenlas e Eliot Wieslander generalno sekretarka ande Läkare i världen kaj majdur phenel, te te mukena kadi dar te del effekto pe lengi buchi, si jek chansa ke o glaso hasajvela anda o debatto kaj si ando them thaj kado si jek dar karing intrego demokratia.

Pala milaj ando paluno bersh das e ogranizacia Läkare i världen opre shtar fallura kaj e policia, angla kode sas e siffra jek thela palune 20-bersh.

Vi kaver buchara kaj kheren buchi nashutnensa vaj manushensa bi lilengo pindzaren pe andi kadi situacia ke si jek vazdini dar karing lende.

Anda o fereningo HEM, kaj kheren buchi romane Eu-migrantonsa, chi kamen djuvla kaj kheren kothe buchi te vorbin mediasa aba, kado pala kodo ke lengi fundamentatorka musaj sas te garadzol pala but darajimata karing lako trajo vaj mordhot.

E Eva kaj si la chachimasa kaver anav kherel buchi sar volentarka ando fereningo HEM kaj zutin romane EU-migrantonsa, nakhlas but dar thaj bari violencia thaj navet zor kherde pe late anda laki buchi. Ferik ke phenel ke von majdur chi denpe anda manusenge chachimata.

- Ame nakhas paschi sako djes diferetni attackura. Manush kheren amenge latarkensa kana phiras le migrantonsa, traden krujal amende matorensa. Pa felastri shuden pe amende bajura thaj cipin GO GO amenge. Vi chungarden pe ame, aven thaj kamen te inkren diskusiji amensa. Nashtik dikhen ame kaj zutisaras manushen kaj beshen avri pe vulica, pe mande kherde vi zor. Ale ame chi das ame, ando maripe pe intregone manushenge chachimata.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".