Rikspolischef Dan Eliasson. Foto: Janerik Henriksson/TT
Sherutno ande policia o Dan Eliasson. Foto: Janerik Henriksson/TT

Pachape ande policia vazdelpe, numa sar mezij mashkar e rom?

Policia kamel te vazdel pachape
4:50 min

O pachape ande policia ando Shvedo vazdelpe mashkar e manush ando them.

Ferik ke pe but righa ande themeske maj chorora foroske kotora si o bi pachape majdur baro karing departementura vaj myndigheter, kado musajij te las seriosnie, phenel e themeske chefo ande policia o Dan Eliasson.

Pachape si importatno phenel vov.

- So maj pashe sam pasha Shvedoske manush, so maj lashi policiarno buchi shaj kheras. Te pacha o Shvedo ande amende atunchi den ame informacia, kamen te vorbin thaj te den ame supporto. Thaj ame sam maj succesovni, phenel o Dan Eliasson.

E policia butivar len officialno zurali kritika, sar exemplo so sas kuraj o milajesko festivalo We are Sthlm. Kothe sas buthendar phendo ke e policia garade informacia pa sexualni trakaseriji karing terne djuvla.

Ferik ke thela jek maj lungo vrama djal o pachape ande policia sajek angle. Kado sikhavel o baro rhodipe o SOM-undersökningen anda Göteborgs universitet. O kotor manush kaj sas pachape vaj baro pachape ande policia vazdaspe katar e 55 dji kaj e 61 procenti. Thaj o rapporto anda Brottsförebyggande Rådet BRÅ, nationalno rhodipe pe securita vaj trygghet kaj sas publicovano o paluno kurko, las e policia e maj uchi siffra po pachape thela 10-bersh.

Ferik ke o patreto pe kado naj sa kade akarkaj, phenel o chefo ande policia o Dan Eliasson.

- Ame las sama ke ande kodol kotora ande them kaj si segregacia, kaj si socioekonomisk chorri situacia, kothe o pachape ande intregi myndigheter vaj departementura maj slaboj. Thaj kado si jek buchi kaj trobuj kherdini ande intrego them, thaj vi e policiake, phenel o Eliasson majdur.

Jek kaver gruppa manush kaj si le slabo pachape ande departementura thaj ande policia si e rom. Kaj vi von paluni vrama shute kritika karing e policia anda romani registra kaj sas djanglo pa late ando 2013-bersh, sar exemplo.

Akanak na domut sas vi duj policiantura uzarde anda peski responsibilita pe registra katar e policiaki vlasno investigacia, thaj kado kaj konik chi lel responsibilita karing le rom kherel ke chi acharen pachape. Trobuj lr rom te aven kotor ande jek myndighet vaj departemento pe manushikane chahcimata kaj si les glaso ando them te shaj avel jek pharujipe ande kadi buchi, phenel o Fred Taikon sherutno ande romani gazeta É Romani Glinda thaj romano aktivista kana sas ando Radio Romano.

O sherutno ande shvedisko policia o Dan Eliasson, phenel ke e policia kanak kheren specialni bucha vaj insatsura ande maj chorora vaj utsatta thana, mashkar kadal si Tensta/Rinkeby ando Stockholmo, Biskopsgården ando Göteborg thaj o Rosengård ando Malmö.

Kothe djal e buchi zurales akanak phenel o Dan Eliasson.

- Akanak zuraras e buchi kothe. Ando Rinkeby shuvas jek nevi policiarno stancia kaj avna 200 buchara. Kado kherla pharujipe e manushenge kaj trajin kothe, sa kade kheras vi pe kaver thana sar ando Göteborg thaj ando Malmö.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".