Foto: Viktor Åsberg/SR
Foto: Viktor Åsberg/SR

Edukacia si te zutij EU migranton

Edukacia si te zutij Eu migranton
3:33 min

Ando Sundsvall aj Örnsköldsvik si dino but miljonora koroni te shaj zutin e choren EU migranton.


Kado si te avel jek zutipe kaj ande lungo vrama von jekzene si te vazden peske posibilitaci te shaj den peske rada aj te keren butci ande peske teme jekzene.

E Örnsköldsvik, Sundsvall aj Umeå komuni len 11 miljonora koroni ande kando projekto, kadal loven aven katar jek EU fondo so si pe chorora EU medborgare.

O gindo si ke kadal manush si te len jek majbaro socialno zutipe aj ande maj lungo vrama kado vazdel lenge e posibilitacia te shaj araken peske butci aj te zan avri anda chorimata ande peske tema. Jek exemplo si ke e komuna si te del studiecirklar e EU migrantonge.

E Lena Finne jansson so si cherotni pe kado projekto penel so e EU migrantora pende kamen kana maladzile te vorbin.

E Lena penel ke kana maladzilam kadal grupasa de agle pukim inke chi manglam love pe kado projekto aj skirisarasas te keras kado projekto, avilas amende lendar so von kamen. E grupa EU migrantora pende amenge ke von kamen te zanen majbut pa medecinako zutipe, sar te arakelpe jek butci, aj sar te sitcon e Shveditcko chip. Kado pendas e Lena Finne Jansson so si cherotni pe kado projekto.

Majdur penel e Lena ke but so avilas avri kana sas kadala kidimata e EU migratontca si ke von kemenas te zanen but bajora, pala sako kidipe kan maladzovasas ame dasas o pushipe so von kamen te zanen zi po kaver razosko kidipe. Aj atunci ame lam sama ke baro intereso sas mashkar lende te sitcon majbut pa Shvedo aj te sitcon majbut pa informatcia e temski "samhällsinformation" aj vi kamenas te len zutipe te avel len alternativora sar te keren peske love aj te na avel lenge musaj te mangen pe volici aj droma.

E Lena penel majdur ke kadal love so von len katar kado EU fond so si e chororenge so si siticentora ando EU, von nashtik te len kadal love aj te den zutipe lende ando tem katar e EU migrantora aven. Ale ame shaj dikas che shkoli vaj so von zanen aj che kompetensora len si, aj pala kado te shaj arakas sar von kodolesa so von zanen te shaj zuraras kado von majfeder te den peske rada peste ando tem, te avel len majlasho trajo. Kadale loventca si te zutisaras len, kate te shaj von jekzene palakado keren peske jek maj lasho trajo ande pesko tem aj te avel len majbut zanglipe ande kado so aba zanen.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".