Statsminister Stefan Löfven i flrgrunden och Moderaternas partiledare Anna Kinberg Batra i bakgrunden. Foto: Henrik Montgomery/TT.
Foto: Henrik Montgomery / TT

Historishnje slabo opinia le Socialdemokratonge

Chi keren e traditionalno buchi.
3:06 min

Le Socialdemokrater hasarde glasora thaj line feri 23,2 procenti ando alisarimasko supporto, kaj sikavel o Sifo.

Kado si o maj njisko vaj e maj cini regestrasia de sar kezdisarde te mirin le glasora ando 1967 bersh.


Le Socialdemokrater hasaren peske glasora le Moderatonge, kaj akana si e maj bari partia.

O Toivo Sjören, kaj si chefo pe opiniakorodipe ando Sifo penel ke pharipe vasdelape pe Socialdemokrater kaj pele kade zurales ande opinia.


Le Socialdemokrater resle ande jekh nevi njisko granjitsa. De sar o paluno rodipe -kaj sas kerdo ando december- peravel e maj bari regeringoski partia pashti trin procenti thaj peren pe 23,2 procenti.

Ando paluno riksdagsalosaripe las e partia 31 procenti anda glasora, savo aba atonchi sas jekh anda maj slabi resultatora perdal intergo kadi vrama.

Le Socialdemokratongi partiakisekretarka Carin Jämtin skirisardas kommentaro ando Ekot -ke sas le jekh pharo bersh thaj kadi opiniaki-siffra chi losharel la.

Thaj te paroven e opinia penel voj ke e partia musaj tela kado bersh maj dur te diskutulin o pushipe migratsiako, thaj vi te shon focuso pe shkola, feri anglunes te- ashaven kaj si but bi-buchako.

O Jonas Hinnfors, professoro ande themesko-zanglipe ando Göteborgs universiteto, gindoj ke kadi agorutni vrama kaj pele kade le Socialdemokrater si anda krisiso le asylantonsa.


-E Socialdemokratonge sas zurales phares te vorbin pa migratsiake-pushimata thaj te kerel buchi kadalesa kaj pandele kaj e traditionalno Socialdemokratongi djela, sar e bushake pushimata thaj o välfärden.

Le Moderater si e maj bari partia akana sar kaj sikavel o Sifo, e partia las 25,6 procenti anda alosriamsko-supporto, jekh baripe kusa 3,5 procentide sar o december.

La partiakosekreterare Tomas Tobe loshal kadale resultatoske thaj penel ke von acharen jekh zuralo supporto pe le propasalora kaj von den, feri inke sile but bajora kaj kamen te keren.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".