Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/
Nyheter och program på romani

Härbärge naj gata, mangitora soven ande khangeri

Publicime måndag 25 januari 2016 kl 12.00
"Naj idealno solucia"
(4:51 min)
Foto: Stina Linde/Sveriges Radio.
Foto: Stina Linde/Sveriges Radio.

E decisia pa jek härberge vaj jek than kaj te soven e romane EU-migrantura sas lini mashkaral ando december shon, rapportulij o P4 Blekinge.

Ferik ke majdur naj gata thaj e khangeri phuterdas peske lokalura sar jek akutno solucia.

O härbärge vaj o than kaj site bodulin si jek jekhutni projekta mashkar e khangera ande Karlskrona thaj Karlskrona komuna kaj sas o gindo te phutren o paluno kurko.

Ferik ke o lokalo ando Lyckeby, kaj e komuna site inkrel, majdur naj gata te soven kothe le romane EU-migranter thaj anda kode kherde le khangera ande komuna jek provisoricno solucia akanak.

E komminister vaj kaplanka e Johanna Juhlin, phenel ke shillij avral thaj nashtik djukaren.

- Kade shaj phenav ke avla o härbärge phuterdo maj thele 2 racha ando kurko, aj dikhasa sar avla e vramasa. Ferik ke duj racha avla phuterdo EU-migrantonge te avel le jek pato te soven ande leste, te duscho te najon thaj kamipe kavere manushendar kaj kamen te vorbin lensa, phenel e Johanna Juhlin, pa nevo planovano härbärge.

Naj idealno e provisoricno solucia e khangerensa, shov manush sute kothe o paluno kurko, ferik ke naj duscho thaj possibilta te thoven pe e manush ande khangera. Thaj unji djesa shaj vi aven buthesa majbut manush po than ande khangera phenel e Johanna Juhlin, ando P4 Blekinge.


- Ande temporarni lokalura sas shov djene kaj sute. Thaj kathe aven but manush ande kadi gruppa djene, shaj aven shov djene, e dujto rat shaj avel 10, thaj pala kode vi 20 djene, naj securnie. Ferik ke univar shov dji kaj e 10 thaj univar vi 20 djene, phenel e Johanna Juhlin.

De sar o 1 januari si jek kordinatoro vaj jek samordnare dino buchi pe 50 procenti kaj kherel buchi te avel gata o nevo lokalo po härbärge, kodo manush vorbij volonteronsa thaj del informacia kodolen kaj trobuj. Thaj kade site avel 20-25 thana ando härbärge sako rat, phenel e Juhlin majdur.

- Birisarasa te das 20-25 thana. Kana sas ame e khangeri phuterdi o paluno bersh, atunchi sas cirka 20 manush kaj trobujas le than kaj te soven, sa kade avla vi kathe.

Ame chi kamas kado te avel jek than kaj manush ferik soven. Ferik vi jek than kaj birisaras te sikhavas manushipe kadale manushenge kaj trobuj le kado ke but phiraven pensa, phenel e Johanna Juhlin, thaj anda kado djan e volonterura avri kusa informacia te djanen le Eu-migrantura pa kado than, ferik ke kado nashtik avel kade phuterdes kherdo.

- Amaro kordinatoro o Martin kherdas flyers thaj boldas le, thaj vov kusa volonterura ghele avri thaj persobalnie dine le avri kodolenge kaj beshen avral ande intrego komuna. Kade line von e informacia, phenel e Johanna Juhlin.

Ferik ke si jek securitako pushipe ande kado. Po than si te aven manush vi rachi thaj o than kaj o härbärge site avel avla garado, phenel e Johanna Juhlin.

- Si zora thaj manush ande kado them kaj acharen ke kado naj jek lasho gindo, anda kode ame alosardam te avel garudino kado. Kado ferik avla pari shon thaj thela kadi vrama kamas e manush po than te acharen securita, phenel e Johanna Juhlin.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".