Sarah Sjöström med Jerring priset på scen. Foto: Henrik Montgomery / TT
Sarah Sjöström Foto: Henrik Montgomery / TT

Sarah Sjöström njirisardas o Jerringspriset

Maj lasho resultato ando sporto
1:23 min

Sarah Sjöström njirij o Radiosportens Jerringspris- le manushengo pris vaj nagroda pe maj lasho resultato ando sporto ando 2015 bersh.

Kado si dujto bersh kaj e Sarah Sjöström lel kadi nagroda.

Thaj penel sar voj loshal thaj najisij anda supporto thaj zhor kaj dine la ande laki prestasia.

E Sarah Sjöström sas maj zurali ando usipe ando VM ando Kazan kaj las totalnje 5 VM-medalora thaj duj anda lende somnakone. Voj vi maladas e lumako rekordo duvar.

Voj maladas a lumako rekordo aba ando kvalet pe 100 metrongo fjärilsim. Ando finalo njirisardas somnakaj thaj las lashardas la lumako-rekordo inke yokvar. Pare djes palakodo njirisardas voj vi VM-somnakaj po distanso 50 metri fjärilsim.

-Kado VM si mange zurales specialno. Te aves khere 5 medalontsa, choha chi pashajemas, pendas e Sarah Sjöström.

Thaj kaj njirisardas e Sarah Sjöström duvar o Jerringspriset si voj ando jekh exklusivno gruppa mashkar kodol kaj njirisarde maj butivar sar jokvar. E Magdalena Forsberg njirisrdas shtarval thaj sar o Ingemar Stenmark Gunde Svan, Pernilla Wiberg, Ludmilla Engquist thaj Annika Sörenstam njirisarde duvar sar e Sjöström.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".