Auschwitz, Polska. Foto: TT
Auschwitz, Polska. Foto: TT

Memoraciaki cerimonia ando Göteborg

Marcela Kovacsova: Romano monumento ando Auschwitz
3:39 min

Vi ando foro Göteborg avla adjes inkherdi jek memoraciaki cerimonia pa holocausto katar o romano djuvlano fereningo "Trajosko Drom",

Ando Bergsjön akharde romen vi phuren thaj vi ternen te inkren kado djes thaj te vorbin pa jek nevo romano munumento kaj kamen te vazden ando Auschwitz.

E e Marcela Kovacsova si sherutni ando fereningo "Trajosko Drom".

E Marcela phenel ke voj las inspiracia pe jek memoria po holocausto kana voj jekha romana gruppasa o paluno bersh trade ande Polska ando Auschwitz kaj but rom hasarde pesko trajo, pala kado achardas voj thaj majbut djene ke trobuj vazdini majbut e romani historia pe kodo than.

Vi te si o dujto lumako maripe thaj o holocausto jek anda e romengi maj bari thaj maj tuniarikho historia, si kade ke but manush thaj ternimata chi djanen but pa kado, sar exemplo sostar inkrelpe jek memoracia adjes o 27 januari, shaj avel ke amare maj phure sas za dukhade te vorbin pa kado, ferik ke trobuj kadi informacia te djal majdur tena avel hasardi thaj vramasa te shaj avel majbut informacia vi pa e rom so nakhle thela kadi vrama, phenel e Marcela Kovacsova ando Radio Romano majdur.

Ferik ke pe kaste ashel e responsibilita te avel majbut skirime pa rom thela dujto lumako maripe thaj te len maj but manush djanglipe pa kado? Thaj sar trobuj kado kherdo? E Marcela Kovacsova sherutni ando romano djuvlango fereningo "Trajosko Drom", phenel ke kado trobuj kherod buchi pa duj righa te shaj avel jek realiteto.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".