Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/
Nyheter och program på romani

Moderater kamen kontrolla pe bersh

Publicime onsdag 27 januari 2016 kl 12.45
Naj pevni kasave kontrolli.
(1:22 min)
Johan Forsell, Moderaternas migrationspolitiske talesperson. Foto: Claudio Bresciani/TT
Johan Forsell, Moderaternas migrationspolitiske talesperson. Foto: Claudio Bresciani/TT

Moderaterna kamen e migratsia te anel andre doktoron kaj site keren buchi te diken medecinishnje le bersh pe le shavora thaj thernjimata kaj resen jekh zene ando them.

E partia kamel kado te kerel sar maj sigo. O Johan Forsell, le moderatongo migratsiakopolitishno vorbitori, pendas ke si problemora le gruppa thernjimatonsa ande bare forora kaj but si maj phure sar 15 bershenge, feri penen ke maj thernej tena den le strafo.

Vi o regeringo kamel medecinishno bersheski kontrolla pe le thernjimata thaj shavora kaj resen jekh-zene, kadi desicija line kana kerde presentasia pe asylantongi-politika ando november, feri sajek nas inke ande djela.

Zukaren akana pe socialstyrelsens regolora karing medesinishno bersheski kontrolla, feri vi naj but doktorora kaj kamen te keren kado ke kaj naj kasave pevni kadal kontrolli.

Iva but si na prochiv sajek penen le Moderater ke avla possibilita te araken doktoron kaj kerna e buchi.

Thaj sas vi zukardo ke chi chaljola kado propaslo le omigratsiako ministros Morgan Johansson (S). Vov penel ke vaznoj te avel le aktorizatsia te keren bersheske kontrolli, feri na te anel andre e migratsia kadale doktoron.

/SVT

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".