Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/
Nyheter och program på romani

Le länstyrelser len e responsibilita pe EU-migrantura

Nevo kerdo måndag 1 februari 2016 kl 15.07
Publicime måndag 1 februari 2016 kl 09.44
"Jek chorimasko problemo, na jek romano"
6:02 min
Martin Valfridsson, nationell samordnare för utsatta EU-medborgare som tillfälligt vistas i Sverige. Foto: Nora Lorek/TT.
1 av 4
Foto: Nora Lorek/TT.
Rapporto "Framtid Sökes". Foto Rikard Parno Jansson, Radio Romano.
2 av 4
Martin Valfridsson thaj e Åsa Regnér. Foto Rikard Parno Jansson, Radio Romano.
Rapporto "Framtid Sökes". Foto Rikard Parno Jansson, Radio Romano.
4 av 4
Rapporto "Framtid Sökes". Foto Rikard Parno Jansson, Radio Romano.

Adjes presentulisardas o Martin Valfridsson, le regeringosko samordnare vaj kordinatoro pe EU-citizentura, pesko agorutno rapporto kaj e shavorengi-phurengi rha jekhimaski ministerka e Åsa Regnér.

Po agor ando 2015 bersh sas mashkar e 4 700 dji kaj e 5 000 EU-citizentura ando Shvedo, phenlas o Martin Valfridsson kaj kherdas buchi kadale rapportosa thela jek bersh.

O Valfridsson, phenel ke lesko gindo si ke le länstyrelsen avla lende e reponsibilita te organisulin thaj te den supporto komunen thaj volentarni organisacijen po lokalno levelo.

– Kado avla ke sako länstyrelse lel ande pesko län vaj regiona e sherutni responsibilita te inkren e buchi khetanes mashkar le komuni, khangera thaj organizaciji kaj si ande regiona thaj kheren buchi kadala gruppasa manush. Ferik ke kado ande praktika vi si jek dosta nevo pushipe kaj e palune trin bersh vazdas pe zurales. Anda kode trobuj te dikhas kado progresso pe jek nationalno lelevo thaj te ulavas e buchi maj thele. Angla mande trobujas o länstyrelsen ando Stockholmo te avel le e responsibilita te ulaven djanglipe thaj responsibilita maj thele te birin e länstyrelser de den supporto le komunen ande peske regioni, phenel o Martin Valfridsson.

Kaj thela presskonferanso kaj adjes sas ando Rosenbad phenel ke e buchi kaj pe kado pushipe trobujas te avel shutino ande normalno struktura le themeski. O Valfridsson phenel ke lesko gindo si ke e buchi kaj sas les thela kado bersh biria akanak te zurajvel kana 21 länstyrelser ando them site kheren buchi kadalesa.

– Vaj inkren le rapportosa vaj na, ferik ke si pala soste te djas. Thaj me kamlemas te birin te länstyrelser te hasnin kado kana kezdin peski buchi. Ferik ke vi si kado ke ame kaj kherdam buchi kadale pushimasa simas me thaj duj kaver buchara, samas trin djene. Te ulavesa kado pe intregi länstyrelsen thaj pe jek kaj si les e nationalno reponsibilita, atunchi gindoj me ke zuraras kadi buchi phenel o Martin Valfridsson le regeringosko samordnare vaj kordinatoro pe Eu-citizentura kaj akanak agorij peski buchi.

O rapporto kaj bushol "Framtid sökes" vaj romanes "E rhodini futura", si e kordinatoreski agorutni rapportacia pa Eu-citizentura ando Shvedo, thaj si opral e 200 patra te ginaves kusa proposalura, gindura thaj eventualni soluciji.

Ando rapporto si sar exemplo ke naj o te avel edukacia ando Shvedo le shavoren kaj aven kathe sar EU-citizentura, ferik ande unji specialni fallura, site kheren majdur buchi te len thele le imporovizovani khera, thaj ke majfederij te des love ande organizaciji kaj zutin EU-citizenton sar te des le love ando vas.

Thaj kado si jekhe maj lungona vramaki solucia, phenel o Valfridsson.

– Me zumadem te djav pala o zakono kaj si ame thaj so me gindoj ke si o maj lasho zutipe thela lungo vrama. Man sas o gindo ke vrazno dikhipe ferik ke vi humanismo trobuj te achares sar rom thaj vi kaver manush sas diskriminavani ando Shvedo ferik ke vi ande Europa, kado trobuj te djanas thaj te acharas, ferik ke kado chi znachij ke site shuvas o zakono sar kamas ande diferetni situaciji, phenel o Valfridsson.

Kado kurko parashtune o 5 februari, tradel e ministerka Åsa Regnér ande Bulgaria ando sherutno foro Sofia te skirin thele jek corperaciako kontrakto mashkar o Shvedo thaj e Bulgaria. Sar o avtal vaj o kontrakto ande Romunia avla o kontrakto la Bulgariasa shutino te pharuven expert-informcia pa socialno securita, zutipe, jekhipe thaj shavorenge chachimata, phenlas e Åsa Regnér thela press-khidipe.

– Pa skurto vrama tradav me pe pari djes ande Bulgaria, te lasharas e situacia thaj te kheras buchi kusa lenego departemento kaj si le responsibilita pe love kaj aven katar o EU. Ferik ke sar kaj maras ame karing choripe ande kaver thema kaj si le Shvedos jek lungo experiencia, atunchi si importanto sa kade te kheras buchi kathe, phenlas e Åsa Regnér.

O Martin Valfridsson phenel ke vov kamel te dikhel sar ande futura le länstyrelser kherna buchi romensa khetane ande kado pushipe, thaj ke vov skirij pa peske kontaktura romane organizaciensa ando rapporto, ferik ke vi phenel ke kado si jek pushipe pa choripe ta na jek romano problemo.

– Kado si muri nadzea ke kherna buchi le romensa, ferik ke chi birij te phenav chi kado avla ande sako länstyrelse. Man sas buchi khetanes romensa, vi kathe ferik ke vi ande Romunia thaj ande Bulgaria, ferik ke chi kherdem kasavo baro bajo anda kado ke kado naj jek romano problemo, ferik ke jek chorimasko problemo.

Phenlas o Martin Valfridsson, le regeringosko samordnare vaj kordinatoro pe EU-citizentura, kaj skirisardas o rapporto "Framtid sökes", pa EU-citizentura.



Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".