FOTO: JONAS EKSTRÖMER / TT
FOTO: JONAS EKSTRÖMER / TT

Po iva des andre pe themeske museumura

Kamas maj but te aven.
2:50 min

Adjes avel palpale kodo ke shaj zas pe themeske 18 museumura po iva, but anda lende si ando Stockholmo. O gindo kadalesa si manush kaj chi piren ande museumura te len te piren.

O Moderna museet aba te duj kurke kodoleske kesdisardas te mekel andre po iva, taj e Anna- Maj Köll aba sas butivar te dikel pe exibicia. Voj si jek typicno zuvli lasia edukaciasa anda Stockholmo. E themeske museumura site avel savorenge ando Svedo.

Zuvla kaj silen uchi edikacia maj but piren pe museumura sar mursh. O regeringo kamel maj but mursh kaj naj len uchi edukacia taj kaj chi arakdjile ando Svedo taj kaj trajin avri anda foro te piren maj but ande museumura.

O Sverker Härd si chefo ando myndigheten för kulturanalys. Vof kerdas investigacia kana e museumura sas po iva mashkar e bersh 2005-2006

O nevo reformo kerela kade ke maj but manush pirena ande museum, ale naj pevno ke neve grupi lena te piren feri shaj avel kade nke kodol kaj aba pirenas maj but pirena.

Lasio bajo si ke po iva avna e museumura, ale musaj maj aktivne te keren buchi te aresen kaj e kaver grupi penel o Sverker Härd.

 Ame zanas ke e ekonomia si jek problemo, ke naj savoren love te piren pa museumura ale naj feri kodo o problemo. Soski edukacia katar aves shaj ashavel manushes tele. Kana les tele jek problemo biris te keres fokuso pe jek kaver problemo. Jek exemplo shaj avel e chib ke akanak sikavas amaro konst pe but chiba penel e Ann Sofi Noring vice-intendent anda Moderna Museet.


Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".