Foto: TT
Foto: TT

Sveditska citisensura huchilde ande Grecia

Barilas ando Svedo
2:08 min

Duj sveditska citisentura huchilde ande Grecia suspektovani anda vapenbrott.

E mursh huchilde sas kana zanas opre pe jek buso kaj po drom sas ande Turcia. E grekitsko media penel ke si koplovani kaj e teroricno organizacia IS.

O jek mursh si 28 bershengo taj o kaver 19 bershengo, 10 djes kodoleske mekle le svedosh. Von trades po uraplano vari katar anda europa te resen ande Grecia, Aj kote kamenas te len o buso te traden ande Turcia aj pala kodo te den ande Syria. Ando foro Alexandroupolis kaj si pasha Turkico granica huchilde len e grekitsko policia. Arakle lende bare shura machetes.

O 28 bershengo mursh sas aba angla kodo konviktovano. O terrorforskaren Magnus Ranstorp penel ke vof arakadjila taj barilas ando Svedo aj si zanglo katar e policia taj o Säpo taj ke beshlas aba ande temlica ando Svedo anda terroricni akcie. Ando 2007 sas konviktovano ande Bosnia ke sas les jek bombväst khere peste.

- Perdo informacia paruven jek jekesa vorta akanak, si individura kaj traden ande Europa aj si po drom ande Syria taj Irako. Kado si bari buchi la policiake taj kodol kaj buchazin kusa sekurita ande Europa.

O Säpo penel ke karing 290 zene vi mursh taj vi zuvla anda Svedo traden ande Syria tela kadal bersh. So von keren kothe taj ande soske organizacie zan phares si amenge te zanas. Anda Svedo mule 40 zene kaj trade ande Syria.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".