FOTO: ANNA KAROLINA ERIKSSON/TT
FOTO: ANNA KAROLINA ERIKSSON/TT

O Stadsmissionen zuti le EU- migranton

Västerås stad taj o Stadsmissionen putren lokalo
3:01 min

Tela kadal iventdiska shon puterdas o Stadsmissionen kusa o Västerås stad jek than kaj shaj maladjon le Eu-migranter duj chasura sako djes. Sakaso insatso kerde kuko bersh.

O P4 Västmanland sas kothe po than ale inke nas but manush kothe ke inke but zene chi zanen pa kodo than.

Sar shunen si e romen zurales pharo trajo, mangen peske varikaj te shaj trajin.

E Ana Bogdan kaj kerel buchi po Stadsmissionen del kodolen kaj aven kothe kava taj chaski. Dam len vi jek cera gada taj papuchi, penel voj maj dur.

O maj popularno than kana si zurales shill si ande sauna.

- O maj angluno bajo so kerde sas te zan ande sauna peske gadenca te tacharenpe.

O Nico anda Rumunia si jek anda migrantura kaj sas kothe kodo djes. Vov rachardas intrego rachi ande jek shudro vurdon.

- Zurales shill i te sovel kothe. Univar ushchaf opre te pav paji taj chi zal ke o paji pahosajlas aj kerdjilas paho.

O Nico beshlas ande sauna taj tachilas.

- Shaj beshlemas kothe intrego djes, penel o Nico.

Ale o lokalo si feri puterdo duj chasura tela intrego djes taj kade avla zi 31 mars.

Vi kuko ivent kerdas o Stadsmissonen kusa o Västerås stad jek than kaj shaj kiden pe EU-migranter.

E komuna gindi ke si karing 50-100 Eu-migranter ando Västerås.

O Ronald Henriksson, biträdande direktor vid Stadsmissionen, gindi ke vramasa maj but zene avna kaj o nevo lokalo.

- So maj but zene aven kana zanen pa kado than, chak feri so gesdisardam, jek cera vrama zal zipun e manush shunen pa kado than.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".