John Kwiek vorbij ande mikrofono
John Kwiek jekh romano aktivisto ande Polska Foto: Privat

Rom organizulin pe ande Polska

4:36 min

John Kwiek si jekh rom ande Polska khaj kerel buchi ande romane pushimata te lashiarel pe Romengi situatcia.

Johny Kwiek si jekh anda e duj krisake rom so beshel ande e organizatcia khaj bushiol psy zhondovo - kodo znacij organizatcia so si pasha polsicko regeriungo.

Vov phenel ke sas rom ande polska so kernas buchi organizatcienca thaj but kernas penge thaj kanchi chi delas kado e romen so trajinas ande polska thaj anda kodo line but rom e buchi ande penge vast thaj khidde khetanes romen anda 20 polsicka forura so si te keren buchi ande romenge pushimata ande polska.

E problematika so sas ande polska sas kodo ke sas rom so shonas pe ande buchia thaj chi djanenas chachimasa so von kernas thaj kado romujas but, phenel o Johny Kwiek.

E Politika parudjilas ande Polska thaj adjes si inke maj phares sar maj anglal, phenel o Johny Kwiek.

E polsicka politikura nakhaven e romen thaj but rom chi acharen kodo, anda kodo kerel e romani organizitcia pshy zhondovo vi kavere organizatciena so keren buchi kusa manushikane chachimata te na avel kade ke e rom hasaren pengo pachape.

Johny Kwiek phenel ke chi birij sako jekh rom te djal andre ande politika, musaj te djanen e rom sar te keren kado, anda kodo keren von buchi manushenca so djanen e politicno buchi adjes.

Johny Kwiek phenel vi kodo ke si rom so nakhle shkola ande Polska so birin te shion pe ande politika feri ke kadal terne hasarde but anda pesko romanipe thaj kodo si problematicno, ke phares si te representulij pe e romen kana chi inkrel pe korkori kodo romanipe so e rom inkren.

Anda kodo alosarde kadal rom jekhe romes so shaj te representulij e romen ande vazne pushimata.

Johny Kwiek pachal ke avla maj feder maj anglal kusa romane politikura ande polska feri ke e rom musaj te sitcion maj but thaj te len zhutipe khatar sitciarde manush.



Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade ljud i menyn under Min lista