Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/
Nyheter och program på romani

Karing 40 chavora si ando IS

Bari trauma naken
2:26 min
Foto: TT
Foto: TT

Perdo svedura kaj trade te panden pe kaj e terroricno gruppa IS line pesa peske chavoren.

Den nationella samordnaren mot våldsbejakande extremism penel ke si karing 40 sveditska chavora kaj e IS vorta akanak.

Tela kadal palune bersh trade sveditska zuvla ande Irako taj Syria te panden pe kusa e extremicni gruppi. Uni anda lende line peske chavoren pesa. Univar tradenas sar jek familia peske romenca, taj univa si deja kaj si jek zene aj len e chavoren pesa.

Den nationella samordnaren mot våldsbejakande extremism gindi ke karing 40 chavora mashkar e bersh 0 - 10 trajin ande Syria taj o Irako kaj si kontrolovano katar o IS.

Vi perdo zuvla kaj si jek zene taj naj len chavora trade kothe. Kodol zuvla butivar ansurin pe murshenca kaj maren pe ando IS taj palakodo si len chavora lenca. Vi kodol chavora kerdjon svedura te si e dej sveditsko citisento.

Uni anda kadal chavora aven palpale ando Svedo, trajisarde pe jek than kaj sas kontrolovano katar o IS katar 6 shon zi kaj 2 bersh. Kadal chavora but dikle taj but nakle, penel o Yassin Ekdahl.

- Von dikle meripe, dikle sar peren bombi taj sichile ke shaj mudares manushes kas naj sakaso pachape. Si vi chavora kaj dikle ke keren zor pe lenge deja.

E diferencia mashkar kadal chavora taj nashutne chavora anda Syria si ke e deja taj e dada chi roden zutipe peske taj e chavorenge te penen so nakle. Taj o Yassin Ekdahl kaj si psykologo penel ke dichol pe but anda kadal chavora naken trauma.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".