Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/
Nyheter och program på romani

H&M: Nashutno chavoro anda Syria kerelas buchi ande fabrika

Publicime tisdag 2 februari 2016 kl 13.39
Naj kado acceptovano.
2:02 min
FOTO: BERTIL ERICSON/TT
FOTO: BERTIL ERICSON/TT

Jek nashutno chavoro anda Syria taj perdo syrianitska nashutne kaj nas len permito te keren buchi buchazinas ande Turcia kodolenge kon si underleverantör ando H&M.

Ande jek raporto katar o människorättsorganisationen Business and Human Rights Resource Center (BHRRC) avel avri ke duj bare gadenge koncerni, H&M taj o englishitsko NEXT, line andre nashutne chavoren anda Syria te keren lenge buchi ande peske fabriki ande Turcia.

O Människorättsorganisationen manglas te zanel katar 28 gadenge koncerni ande europa sar von kontrolulin te na buchazin illegalnie nashutne kaj lenge underleverantörer taj ande lenge fabriki, taj maj but anda foretagura chi na chi dine angle. O H&M taj e NEXT purisarde avri ke si lende nashutne kaj bi permiciako keren lende buchi.

Sar kezdisajlas o maripe ande Syria si opral duj milionura nashutne ande Turcia. O BHRCC penel ke karing 400.000 syrianitska nashutne keren ilegalnie buchi ande Turcia. E situacia le buchanca le nashutnenge si butivar zurales chori, cera love pochinen lenge taj hasnin chavoren taj bucharen chores taj univar vi sexualnie.

O H&M skiri ande jek komentaro kaj o SVT ke chavorikani buchi naj acceptovano, taj ke o H&M ashavel pesko kontrakto kusa peske underleverantörer te dena pe dosh ke keren lende chavora buchi.

E Turcia ketanes kusa Kina, Bangladesh taj Kambodja si jek anda lumake maj bare exportura po textilo.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".