Kultur- och demokratiminister Alice Bah Kuhnke. Foto: Maria Hansson Trens/SR
Kulturaki- thaj demokraciaki ministerka e Alice Bah Kuhnke.Foto: Maria Hansson Trens/SR

Regeringo rhodel neve komuni pe romani inkludacia

"Musaj te rom te aven ande kadi buchi"
6:53 min

De sar o 2012-bersh sas buchi panche komunen te kheren buchi pe romani inkludacia ando them. Akanak rhodel o regeringo panch neve komuni te inkren e buchi majdur, phenel e kulturaki- thaj demokraciaki ministerka e Alice Bah Kuhnke.

- E komuni si e kiji kaj e romani inkludacia. Kana akanak investulisaras majbut supporto atunchi si jek njirime koncepto te shuvas buchi pe majbut komuni, te shaj bodulisaras majdur pe kodol experienciji thaj lashe resultatura katar e bucha kaj sas kherdine, phenel e kulturaki- thaj demokraciaki ministerka e Alice Bah Kuhnke.

- Kadi sas jek lungo preperaciaki buchi. E anglune pach pilot-komuni sas jek kotor anda e romani strategia katar o 2012-2015 bersh, thaj jek bajo kaj sikhadzol zurales kana kherdam evaluacia thaj vorbisardam le komunensa, departementonsa thaj romenade reprentantonsa si ke trobuj majbut buchi pe majbut thana thaj komuni, jek kaver bajo si ke kana si ame but lashe experienciji kaj si shutine ande anglune panch komuni kaj shaj kheras lensa buchi majdur te djal angle e buchi, phenel e kulturaki- thaj demokraciaki ministerka e Alice Bah Kuhnke.

Paschi shtar bersh nacjile desar o alliansosko-regeringo shute e forura Göteborg, Malmö, Linköping, Helsingborg thaj Luleå, sar pilot-komuni pe romani inkludacia. Kado sas jek kotor anda e romani strategia, kaj o atunchi integraciako ministro o Erik Ullenhag vorta presentulisardas thaj kaj o goalo si ke kodo rom kaj pherdzol 20-bershengo ando 2032 sital les vaj la sa kodol possibiliti ando trajo sar kodo manush kaj naj rom.

Jek anda gindura pala le piliot-komuni sas ke von lovensa katar o them, sas te kheren buchi te arakhen metodi kaj kaver komuni birin te hasnin pala kode. Akanak kherdas o regeringo jek evaluacia pe kadi buchi, thaj akanak alon te shuven panch neve komuni kaj site kheren buchi pe romani inkludacia.

Thaj e Alice Bah Kuhnke, phenel ke e anglune pilotkomuni akanak site aven sar jek exemplo le neve komunenge sar te kheren buchi pe romani inkludacia.

- Kana kheres buchi jekha gruppa manushensa kaj sas strukturalnie diskriminovani thela shela bersh, atunchi chi djal te kheres e buchi sar jek cini projekta pa righ, ferik ke musajij te achares ke o gindo si ke kado site pharuvel e buchi ande kodol komuni kaj kherna buchi kadalesa. Thaj me dikhav sar le pilotkomuni birina te ulaven pesko djanglipe sar exemplo majdur le neve komunenge kaj majdur chi djanas save avna, phenel e kulturaki- thaj demokraciaki ministerka.

Pa e aplikaciji vaj ansökningar kaj avna andre kaj o regeringo site avel alosarde panch komuni love thela duj bersh te bodulin jek struktura ande komuna te lasharen e romengi inkludacia pe kodol thana kaj e strategia shutas, sar exemplo edukacia, buchako marketo, sastipe thaj socialo. Pala kode avla jek possibilita te lundjaren e love kaj den, maj but thela duj inke bersh.

Ferik ke e Alice Bah Kuhnke, phenel ke vi tena naj officialnie phendo si o gindo o te alon pala varesavi perioda neve komuni intrego vrama pe romani inkludacia.

- Kade shaj phenes ke si, vi tena naj phendo si kadi amari ambicia, me kamav intregi komuni ando Shvedo te avel le jek inkludaciaki buchi. Ke kado naj temporarno buchi ferik ke kadalesa trobuja te kheren buchi mindik. Anda kode kamav me maj buthe komunen te shuvas, phenel e Alice Bah Kuhnke.

Ferik ke e maj importatno experiencia kaj line katar e pilotkomunengi buchi kusa romani inkludacia si ke le rom jekzene musajij te aven jek kotor anda buchi te shaj avel jek lungona vramako pharujipe ande kado pushipe, chi djal jek komunalno buchari vaj politiko te lel intregi decisiji, kado chi inkrel thela lungo vrama, phenel e kulturaki- thaj demokraciaki ministerka e Alice Bah Kuhnke.

- So ame dikhlam ke das jek lasho resultato, thaj pe soste musajij te inkras zuralo fokuso si e romani buchi, ke ande kado musajij te aven manush anda romani gruppa, te avel len zor thaj possibilita te djan maj angle e buchasa, kothe kaj chi kherde kado lam sama ke chi ghelas sa kade mishto e buchi.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".