FOTO: KENNY BENGTSSON / SVD / TT
FOTO: KENNY BENGTSSON / SVD / TT Foto: FOTO: KENNY BENGTSSON / SVD / TT

O Skatteverket paruvel e reguli kana paruves o adreso

Maj phares site avel te len chiro identiteto.
1:51 min

O Skatteverket kerla kade te avel maj phares te les kaverenge lila taj pochta te shaj kerel kredit karchi tela jek hohavno anav.

Duj mursh ande Uppsala sas na dulmut krisi dine ke kerde vorta kasavo bajo taj line love taj kaver bajura pe opral 100 000 koroni.

- Ame kamas te bararas e sekurita amare citisonge, penel o Tobias Wijk, verksamhetsutvecklare på Skatteverket.

Sar si adjes chi kontroluli o Skatteverket kana varikon kamel te parutrel o adresso te si chaches kodo manush.

Avel tuke jek lil kere ke parudan o adreso, ale si manush ke zanen ke naj tu chi soski kontrola, te des pe dosh te na san khere, ke kam tradantar varikaj ande jek kaver them.

- Sas navet kade ke keren hohavne tradimaske lila taj shon opre pesko patreto, penel e prokurorka Elin Blank.

Mezi pe ke letkoj te keres kade, kodo man chi chaljol. Musaj maj lasie konrola te avel, penel voj maj dur.

Akanak site del o Skatteverket pe dosh jek metoda kaj kerela te avel maj phares varikon te chorel cho identiteto. Kodo kaj kamel te paruvel pesko adreso aba chi kerela kodo po papiroshi feri kusa e-legitimation.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".