Man och kvinna går med barn i skogen.
But manush trajin sar ansurime kana trajin jekh sambo trajipe. Foto: PONTUS LUNDAHL / TT

Sambo.. Soj kodo?

"Khaj e rom ginadjios sar ansurime na sar Sambo"
4:36 min

Kana chi san ansurime thaj trajis sar para ande jekh kher gindajios sar sambo ando Shvedo.

George trajij peska romniasa opral jekh bersh pe jekh adresi, len si jekh chejori thaj von trajin jekh normalno trajo khetanes.

Ande romenge jakha si von ansurime ke line pe thaj trajin khetanes, ande gadjenge jakha naj von ansurime feri von si sammanboende, sambo pala shvedicka reguli thaj kadal zakoni si maj kaver sar ansurimaske zakoni.

Shaj te phenel pe ke zhi pun trajil jekh para khetanes mezij but sa kade sar te avilov ansurime.

O parujipe avel kana arakhadjiol jekh chavoro, vaj kana von decedulin te mukhen pe, vaj kana varikhon merel.

Kana arakhadjiol jekh chavoro, perel e dej automaticno gazda po chavoro, voj kerdjiol korkori vårdnadshavare thaj o dat chi ginadjiol zhi pun vov chi djala te skrij lila khaj e raj ke vov si dat - faderskapsintyg.

Te si kade ke o dat chi skrij telal e lila thaj e para mukhen pe, avla e dades pharimata te lel o gazdipe po chavoro thaj atunchi chi birija o dat te dikhel pe e chavoresa pala peske premisi feri musaja te inkrel pe pala e dake premisi.

Thaj te avla kade ke o dat merel chi lel kodo chavoro automaticno variso pala o dat - arvet.

Thaj o arv - kodo so ashiol pala jekh kana kodo merel chi perel automaticne kodoleske so trajij kodolesa so mulas ande jekh Sambo trajipe. Te naj jekh testamento chi ginadjiol kodo ke kadal duj trajisarde khetanes but bersh feri e manusheske buchia peren ande jekh bodelning pala zakono.

Ando Shvedo trajin but manush sar Sambo, e sifri naj exaktne ke but manush chi registrulin kado ke trajin Sambo numa si kodol so regitrulin thaj pala statestika so SCB mukhlas po agor ando bersh 2013 trajinas karing 45 % anda shvedicko narodo ande jekh Sambo trajipe.

E manush trajin khetanes thaj chi dikhen kadales problemo ando Shvedo o problemo perel kana e manush mukhen pe ke si specialne reguli sar si te ulavel pe buchia so e manush inkren khetanes.

Sajek si kon so khindas vi kade si te ulavel pe sa so si ando kher mashkar e duj.

Si jekh chansa te ulavel pe sa pala manush so khinde e bajura ale atunchi musaj e para te inkrel sa e kvittura pe sa so khinde thaj te skrin de anglal ke kado khindas o jekh thaj kado kamel te lel pesa te shindjiola e para.

Ale kado chi kerel o majoriteto, ke e manush chi ginaven ke mukhena pe feri zumaven te trajin khetanes sar te avilov ansurime.

Goerge phenel ke vov djanel ke si ekcera maj kaver zakonura sar Sambo, feri ke les chi hal kado bajo, vov si rom thaj trajij pala e romane zakonura thaj vov phenel ke leske naj vazno kodo te ansurij pe pala gadjikane zakonura ke vov aba ansurisajlas romanes.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".