Södertörns högskola. Foto: Sveriges Radio
Södertörns högskola. Foto: Sveriges Radio Foto: Södertörns högskola. Foto: Sveriges Radio

Profesoro ande romane studiji

"Loshas anda kadi buchi"
5:44 min

Södertörns högskola akanak rhoden jekhe professoros ande romane studiji kusa specialno djanglipe pa Baltikum.

E shkola kaj angla kado das romen e possibilita te len jek edukacia sar sikavne ande dejaki chib romanes, akanak kamen te zuraren peske vlasni djanglimata thaj kompetenso ando romano pushipe kusa zutipe katar jek professoro.

E Rebecka Lettevall kaj si sherutni ando The Centre for Baltic and East European Studies vaj (CBEES) ando Södertörns högskola kaj si la e buchi pe kadi rekrytacia, phenel ke si loshaki kaj akanak si e possibilita pe kadi buchi.

- Mishto si ke birisaras akanak te zuraras amare romane studiji kana o romano pushipe si maj aktualno ande intrego Europa thaj vi ando Shvedo, thaj o buchi kaj o professoro lela ando The Centre for Baltic and East European Studies, avla e chib kaj kherla buchi englisiska, thaj avla publicovano e buchi internationalnie. Thaj kado si mishto ke si ame vi buchi ando Shvedo kaj birin manush te aven sikavne ande romani dejaki chib. Anda kode kado si jek interesatno kombinacia, phenel e Rebecka Lettevall anda Södertörns högskola.

Kaj akanak rhoden jekhe professoros ande romane studiji kusa specialno fokuso po Östersjö- thaj Östeuropaområdet vaj o Baltikum. E gluvno buchi kaj avla kadale manushes si te bodulij thaj te kherel jek progresso ande jek rhodimaski enviromentia karing o Baltikum.

E buchaki vaj e rhodimaski enviromentia site avel pashe phangli kaj e shkolaki edukacia ande romani chib thaj kodo manush kaj lela e professura si zukardo ke kherla buchi ande kado progresso. Ande buchi si ginado andre forskning, vaj rhodimata, forskningsledning, edukacia, progresso pe edukaciji thaj administrativni bucha, thaj pe kado trobuj jek professoro, phenel e Rebecka Lettevall, sherutni ando The Centre for Baltic and East European Studies vaj (CBEES) ando Södertörns högskola.

- Si ame jek brobyggar edukacia kaj kherdam khetanes le romane gruppensa, thaj kado sas zurales mishto. Ferik ke kado si jek uppdragsutbildning, vaj buchaki edukacia. Thaj e kaver edukacia ande romani chib si jek fundamentalno edukacia, ferik ke bodulisaras majdur pe experienciji kaj si ame, thaj o professoro kaj shutni te kherel jek progresso ande kadal edukaciji. Si manush kompentensosa ferik ke na jek professoro, thaj kado avla mishto ke shaj zurarasa amaro akademicno djanglipe, thaj kompetenso pe romane studiji, phenel e Rebecka Lettevall.

De sar o 2013-bersh si la shkola e Södertörns högskola e buchi dini katar o regeringo te bodulij ämneslärarutbildning vaj sikavnenge edukaciji ande romani chib. E shkola inkrel jek brobyggar-edukacia le romane minoritetoske khetanes kusa Socialstyrelsen thaj si vi jek edukacia sikavnenge ande dejaki chib dini katar o Skolverket.

Thaj e Rebecka Lettevall anda CBEES, phenel ke kado sa si jek kotor te vazdelpe o djanglipe pa rom thaj mashkar le rom.

- Vazdino djanglipe, progresso po djanglipe pa rom, romengi situcia ando Shvedo thaj ande luma. Kado si informacia thaj djanglipe kaj na ferik e romen trobuj, ferik ke intregone themes. Thaj thela vrama gindoj me ke kado shaj znachij but le romenge, phenel e Rebecka Lettevall.

Le kriteriji pe professura ande romane studji ande Södertörns högskola mangen ke o manush kaj lela e buchi trobuj sar expemplo te djanel te inkrel thaj te kherel progresso pe rhodimaske enviromentiji, baro djanglipe ande romane studiji, e romani chib, experiencia kusa romane gruppi nationalnie thaj internationalnie, thaj experiencia pe eduakcia sar ferik uni kriteri anda majbut.

O pushipe ashel chi si but djene kasave kompetensosa te rhoden e buchi ande Södertörns högskola sar professoro ande romane studiji?

E Rebecka Lettevall pale

- Pherdo manush rhode e buchi, thaj na ferik anda Shvedo vaj anda Skandinavia, ferik ke katar intrego Europa. Thaj akanak rhodas manushen kaj si sakkunniga vaj expertura te shaj phenen kas si maj lasho kompetenso te lel kadi buchi ande Södertörns högskola, phenel e Rebecka Lettevall, sherutni ando The Centre for Baltic and East European Studies vaj (CBEES) ando Södertörns högskola.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".