Ando foto dikhen doktoria.
Doktoria ando Shvedo. Foto: Shvedicko Radio.

Maj zurali chibake krav pe doktora anda EU-thema

Doktoria kotar e javer thema musaj te sikljon e chib ando Shvedo
3:20 min

O Socialstyrelsen kamel ke vi e doktora kaj aven anda EU/EES thema te kheren jek chibako testo ande shvedisko chib djipon len peski doktoroski legitimacia. Angla kado sas kado ferik manglo doktorondar anda thema kaj naj ando EU.

O gindo si ke kado dela jek maj lasho zutipe vaj vård thaj avla maj cera komunikaciake problemura mashkar e doktora thaj e patientura, phenel e Helena Scarabin anda Socialstyrelsen.

- Kaj hibazij ande komunikacia si jek normalno atveto pala vårdskador vaj dukhajimata thaj ke patientura naj chale, phenel e Helena Scarabin anda Socialstyrelsen, kaj phenel ke pachal ke e chibako testo kherla e situacia maj lashi.

Adjes chi mangel o Socialstyrelsen ke jek doktori anda jek kaver EU-them te djanel shvediska te lel vov vaj voj jek shvedisko doktoroski legitimacia, ferik ke e bolnjici vaj le arbetsgivare kaj den e bucha si le e responsibilita chi kodo manush djanel dosta shvedisko chib te shaj kherel buchi.

Doktora kaj aven anda jek them kaj naj ando EU musajij lenge te nakhne jekh chibako testo ande shvedisko chib pe ucha shkolako levelo te shaj len peski doktorisko legitimacia, thaj kado krav kamel o Socialstyrelsen akanak te ginadjon savorenge, phenel e Helena Scarabin anda Socialstyrelsen.

Adjes si jek musajipe vaj krav pe chibakhe djanglimata kodolenge kaj line peski edukacia ande jek them kaj naj ando EU thaj ame acharas ke naj varesosko specialno atveto te kheres jek diferencia mashkar kodol si le edukacia ando vaj avri anda EU kana avel kaj e chib, phenel e Scarabin.

Sostar o Socialstyrelsen avel kadale proposalosa vorta akanak si ke jek Eu-direktivo sas pharudo ando januari shon thaj akanak kherel e possibilitacia te mangen o departemento chibake testura doktoronge vi ando EU.

O proposalo akanak si pe remissa thaj shaj ginadzola katar o 15 april kado bersh, thaj vi te shaj avla kade ke lela maj lungo vrama europeiski doktorone te len jek shvedisko doktoriski legitimacia maj angle, chi pachal e Helena Scarabin ke kado znachij ke lela lenge maj lungo vrama te den ande buchi.


Ame chi pachas ke e vramaki perioda katar kodo ke o manush kamel te kherel buchi zi kaj kodo ke den ande buchi avla maj lungo pe butheste, anda kode ke si adjes aba kravura pe chibake djanglimata kaj so trobuj te birin te kheren e doktora peski buchi. Ferik ke shaj lela maj lungo vrama sar adjes te len avri peski doktoroski legitimacia, phenel e Helena Scarabin anda Socialstyrelsen.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".