Kadi si jekh shvedicko semla! Foto: Jurek Holzer/TT
Kadi si jekh shvedicko semla! Foto: Jurek Holzer/TT

Fettisdagen! Atunchi hal pe semla!

3:57 min

Adjes si fettisdagen, e vorba fettisdagen si officialno thaj inkerdo de khatar o bersh 1594 thaj pe kado djes hal pe semlor.

Semla si chachimasa jekh guglo mandroro kusa kardemmumma khaj shinel pe po dopash thaj perel pe mandelmassa andre thaj marel pe opre gugli suntina thaj shiol pe kodo opral e mandelmassa andre ando kodo mandroro.

Kodo mezij sar jekh baro parno hamburgero feri naj mas andre feri si andre but suntina.

Zurales phares si te hal pe kadal semlor thaj te na meljarel pe o muj.

E tsini Zina phenel ke voj lel tele o kolopo anglunes kana voj hal e semla aj lako pral pizdel intego semla ando muj sar jekh hamburgero.

Zinaki dej e Szarlejka phenel ke si vi jekh kaver drom te hal pe semlor, shaj te shiol pe len andre ando tejari thaj te shiorel pe opral thut numa kana voj del pe ghindo chi diklas voj soha varikhas te hal kade e semlor.

Fettisdagen si chachimasa jekh kristianitsko traditionalno djes, khaj si o maj paluno djes so shaj te hal pe maj mas angla patradji. Pala kado djes inkrenas e manush maj anglal posto zhi khaj e patradji.

Fettisdag si kerdo anda vorba "fet" khaj si tulo thaj "tisdag" marci khaj o ghindo sas te hal pe lashio tulo habe angla patradzi.

Anda kado das e romani redakcia kadale djeses o anav e tuli marci!

Kana si e vrama krujal o fettisdagen - e tuli marci bikindjion opral 7 miljonura semlor krujal ando Shvedo thaj sako bersh roden e medi khaj si e maj lashi semla.

Semlor si drage cinenge, phurenge, savorenge.

Thaj palune bersh khiden pe e manush khetanes kado djes thaj han semlor thaj pen tut thaj loshan jekh kavereske ando Shvedo.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade ljud i menyn under Min lista