Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/
Nyheter och program på romani

Rinkeby si jek pindjardo tan ando Shvedo

Polis raporto Rinkeby/Tensta
6:30 min
Rinkeby torg Kulturförvaltningen är en av de förvaltningar som flyttade ut för ett år sedan. Foto: Fredrik Persson
Foto: Fredrik Persson/TT

O rapporto sikavel 53 thana khaj si jekh socialno ekonomicno problemo thaj sikavel thana khaj e manush acharen dar kote khaj von trajin.

O raporto sikavel e thana te avel kade te lel e policia maj but resursura te birin te malaven tele kadal problematikura so si ande kadal thana.

E po angluno than so dikhel pe ke si maj bari problematika si Vivalla anda Örebro thaj ande e 5 anglune thana so ginadjion sar maj nasul anda Shvedo si 3 anda Stockholmo, Rinkeby, Tensta , thaj Husby.

Radio Romano tradas ando Rinkeby te dikhel sar e rom acharen pe kote.


Rinkeby si jekh pindjardo than ando Shvedo...
Opral 30 bersh vorbijas pe ke Rinkeby sas jekh anda e maj nasul than ande intrego Shvedo.
Feri ke e rom so kote trajinas phenenas mindik ke mishto trajinas kote....


Rinkeby thaj Tensta ginadjion adjes sar jekh anda e pansh maj nasul thana ande intrego Shvedo kana e Shvedoski policia sikavel avri 53 thana.

Po angluno than avel Vivalla anda Örebro thaj mashkar than 2 thaj pansh si 4 thana anda Stockholm.

E 53 thana sas ulade ande trin kategori

Utsatt område - Kate si socioekonomicne problemura thaj kote si kriminalne manush so trajin thaj hamin pe khaj lokalne manush.

Riskområde - si jekh than so si maj nasul sar Utsatt område feri ke chi aresel khaj Särskilt utsatt område

Thaj Särskilt utsatt område thaj kote ginadjol o Rinkeby kadal thana ginadjion ke si kade problematicne ke trobuj shutipe khatar sa themeske organizatci thaj kate musaj akutno zhutipe te avel.


But bersh sikavlas pe ke Rinkeby sas nasul ande media feri ke kade nas maj anglal phenel e Romni e Paraciwa khaj trajij opral 45 bersh ando Rinkeby.


Akanak acharel e Parachiwa dar ando Rinkeby, Lako chavo o Kris si 25 bershengo thaj trajisardas intrego pesko trajo ando Rinkeby.
Vov phenel ke parudjilas drasticne e atmosfera ande Rinkeby.


Ando Rinkeby thaj Tensta trajin karing 35 000 manush thaj anda kadal si opral 900 ande registra pe manush so beshle ande temlica.
Policia skrij ande pesko raporto ke manush kote chi daran te daraven jekh kaveres vi daraven a policia thaj si vi kodol so djan khaj e firmi thaj mangen love anda peski protektcia.
Policiake si phares te kerel jekh konkretno buchi ke vi te dikhle manush variso chi kamen von te den kodo opre khaj e policia ke daran.

Niklas Andersson si lokalpolisområdeschef ande Järva distrikta thaj ande leski distrikta si kadal 3 thana Rinkeby/Tensta thaj Husby.
Vov phenel ke kado raporto naj leske nevipe thaj chi e narodoske so kote trajin, chaches si ke si phares feri ke e polica kerel buchi thaj akanak zumaven von te malaven tele o handlo kusa narkotika.

Niklas Andersson phenel vi kodo ke avla jekh nevi policiaki stantcia ando Rinkeby khaj kerna karing 300 polici buchi thaj vov pachal ke avla maj feder atunchi thaj ke acharla pe o narodo maj sekurno ande kadal thana.


Paraciwa thaj lako chavo phenel ke e policia chi dichiol thaj ke but nasulimata kerdjion pe thaj ke kado kanikas chi hal bajo.


Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".