Arbetsförmedlingen. Foto: Yvonne Åsell/TT.
Foto: Yvonne Åsell/TT. Foto: Foto: Yvonne Åsell/TT.

Nevi statistika pe bi butca pe kadal so aven anda kaver tema

2:54 min

Nevi bi butcaki statistika penel ke de anglono razo kadal manush so chi kerdzile ando Shvedo si ando majoriteto mashkar kadal so si bi butcako.

Pala e nevi statistika so avilas katar e Arbetsförmedlingen sikavel ke so maj but mansush keren butca aj kado ditcol mashkar terne manush, aj kasavo cino bibutcako mashkar terne nas de kana o bersh 2009. Ale kaj e grupa so kerdzile ande kaver tema e situatcia si kaver. O Mats Wadman so si cherotno pe analysora kaj o Arbetsförmedlingen penel kade.

Kadi segregazia si tele dosta lungo vrama, aj kado kerel ke e grupa kaj kerdzile ande kaver tem sar o Shvedo avena maj but, sar kadal so kerdzile ando Shvedo aj kado avela ando shion feb. Kado pendas o Mats Wadman so si analys cherotno ando arbetsförmedlingen.

Ando jan sas 386000 manush bi butcako aj kado si 4000 ezera manush maj cera sar o bersh so sas. Anda kadal so si bi butcako si dopash so kerdzile ande kaver tema aj pa nabuteste avela kadi grupa jek majoriteto ando Arbetsförmedlingen aj kado shoha kade nas.
Mashkar e terne so si mashkar 18-24 bershenge chinjile e bi butcake katar 81 000 zi kaj 70 000 tela jek bersh. Aj kado si pala e arbetsförmedlingens ginajipe aj e bi butcako si adjes mashkar terne 13,1 procentora ja kado si e majcini sifra de 7 bersh so sas.

O pushipe si sostar kado parudzilas kade. O Mats Wadman penel kade pe kado.

O Mats penel ke kana si baro pushipe pala butcara, e firmi so roden butcaren mangen anglones terne manushen aj atuntci e terne len butca. Kado so kerelpe naj dzivno, kana e konjuktura zal tele but si bi butcako aj kana e konjuktura zal opre but terne len butca. Ke kado si normalo kaj adjes but terne len butca. Kado pendas o Mats Wadman.


Kado ke e grupa so si anda kaver tema barol aj kado shaj parovel e butci aj kerel problemora kaj o Arbetsförmedlingen.

aj e vramasa kana kadi grupa barol aj buten anda lende si cini edukatcia avela maj pares te arakas lenge butci. Pendas o Mats Wadman katar arbetsförmedlingen.

Tela kadi vrama so o bi butcako prognoso kerdzol maj lasho e ternenge e prognoza kadalenge so si bi butcako lungo vrama barilas 6000 ezera tela kado bersh. Sa kado si pala e Arbetsförmedlingens sifri.



Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade ljud i menyn under Min lista