zlataFrån filmen "Den unge Zlatan".
zlataFrån filmen "Den unge Zlatan".

O terno Zlatan anel po phurano

"Den unge Zlatan"
4:30 min

Adjes si e premiera po filmo "Den unge Zlatan" vaj romanes o "O terno Zlatan", kaj si regisovano katar o Fredrik thaj o Magnus Gertten, kaj angla kodo kherde duj fotbolloske filmura, e filmura "Blådårar" thaj "Blådårar 2", kaj sas o Zlatan Ibrahimovic ande sherutni rolla.

Thaj ando nevo filmo "Den unge Zlatan" dikhas sar jek terno Zlatan kamel te djal leske majfeder ande shkola pala krechuno.

Majbut avov ande shkola pala krechunoski pausa, del peski vorba jek terno Zlatan Ibrahimovic.

Sar ghelas kusa kodo plano pe karriera le Zlatanoske mukhas ande kado artiklo. Ferik ke so shaj phenes opruch kado securnie, si ke o Zlatan Ibrahimovic kherdas so kamelas thaj das kaj sako goalo kaj sas les ando fotbollo, opruch ande kodol fallura kaj o lag vaj lesko team chi avile kaj leske vlasni goalura.

Lesko succeso ando sporto si kasavo baro ke si jek bari chansa ke ame kaj dragoj amenge fotbollo chi achasa che baro khelitori vov sas djipon chi ashadjilas te khelel, jek anda Shvedoske maj bare manush ando sporto.

Dikhlan tu le Zlatanos live? Pushena pe shavora thaj vnukura kaj phena peske historiji sar khelas o Zlatan.

Shaj avas zgodni ke o Zlatan si adjes o maj baro shvedisko anav ando sporto fotboll, ferik ke naj o maj drago, kado sikhavel o filmo katar e pral Gerttens "Den unge Zlatan" .

Sikhadzol che phares sas leske ande but bajura, ke chi kamel te del chaches jek atveto sostar, thaj dichol lesko egocentriteto vi ande thaj avri anda sporto kaj inkherdas pesa intrego peski karriera, thaj konik chi phenla ke chorres kherdas vareso, ke djanas kaj avilas.

Vi mashkar leski romani publika si diferetni opiniji kon si o Zlatan, ke si o maj lasho, o maj drago, thaj vi ke puchardoj thaj ke za but gindon pa leste, thaj vi o pushipe chi si rom?

Ferik ke jek bajo so shaj zgodjisajvas savore pe leste si jek si jek manush kaj anda peski buchi avilas kothe kaj but manush kamen, phenel o Janni anda Stockholmo kaj si jek Zlatan-fan.

"Den unge Zlatan" vaj o terno Zlatan si jek filmo internationalno publikake, majbut. Intregi ame kaver kaj sam fans, vaj dikhle le soj duj filmura Blådårarna vaj po Youtube kaj dikhas videura sar majfeder vov khelel, chi arakhes kade but nevipe ando filmo.

Le duj pral Gertten khide khetanes interesno materialno kana von phirde le Zlatanosa thela leske duj anglune bersh ande karriera. O filmo lelpe katar e diskusia ke pharesij leske ke za but naj ande shkola zi kaj kodo ke avel ando Juventus pala anglune profesionalni bersh ando Ajax.

Ferik ke o materialo le Zlatanosa si anda Malmö thaj sikhavel leski angluni vrama kana kezdisardas ando Ajax, but dikhlam thaj but vi si nevo materialo. Thaj kado si jek idolosko potreto.

Kado si jek filmo kaj kamel te sikhavel la lumake ke kade kezdisardaso o baro Zlatan Ibrahimovic, thaj avilov jek zuno kaj kerdzol chacho buthe djenege o phurano Zlatan te del kommentaro pa o terno, ferik ke djipon so chi mukhel o Zlatan varekas chaches pashe.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".