Polsk flagga.
Foto: Czarek Sokolowski

Polcitsko högerextremismo

Polska kongressen
5:41 min

Bari kritika si karing e maj bari sveditsko invandrarförening le polakonge - Polska Kongressen i Sverige. E kritika si ke si len sar membrura jek nevi ternimatongi organizacia, kaj si pangle kusa e nyfascistiska organizacia Nordisk Ungdom.

O Tadeusz Nowakowski si redaktoro la gazetake Nowa Gazeta Polska, kaj si po iva le polakonge kaj trajin ando Svedo.

- Kerde jek organizacia kaj si pangli kuso o Nordisk Ungdom. Pala muro gindo chores keren ande polcitsko kongresso kana meken jek kasavi extremicno organizacia te avel lende membro.

E nationalisticno grupa, kaj bushol Semper Fidelis kerdas jek demostracia angla e polcitsko ambasada kethanes kusa o Nordisk Ungdom, penel o Tadeusz Nowakowski. Kodo sas zanglo, kana shute opre patretura pe organizaciaki Facebook rik. Kerde jek demonstracia po Norrmalmstorg ando Stockholmo kaj sas flyktingsfientlig aj kothe po than sas individura anda sel duj organizacie.

4 anda 12 polcitska medborgare beshen ke si suspektovani ke kamenas te keren atako pe jek asylovo kherr ando Nynäshamn kuko kurko, taj von sas koplovani kaj e Semper Fidelis. 3 anda lende sas vi huchilde ke kerde misshandel vaj marde jeka grupa kaj sas anti rasisticni demonstrantura.

Taj pala sa kado mekel sajek o Polska Kongressen te aven e Semper Fidelis membrura. O Polska Kongressen si e sveditsko maj baro polcitsko invandrarförening aj von vi si te aven opolitiska te naj hal len bajo kaj e politika.

E Jolanta Halkiewicz, si vice ordförande ando Polska Kongressen aj vi ordförande ande systerorganisationen Polska flyktingrådet ando Svedo, aj voj penel ke angluni data shunel ke e ternimaski gruppa inkrel jek politicno verksamhet.

- Amari organizacia naj politicno, ame sam pe kodo epolakura kaj aven ando Svedo te den ande integracia aj vi te na hasaren o kontakto katar von aven. Ame si te vorbisaras amare represantonca, ke te si kade ke von pangle kusa o nordisk Ungdom adunchi von nashtik te aven ndo kongresso.

E ternimatongni gruppa Semper Fidelis inkrel vi jek verksamhet kaj naj politicno. Kan sas te avel o krechuno, bishavenas habe ande Polska taj kezdisarde jek kampania e polakura ando Svedo te den rath.

O Nordisk Ungdom kidas andre anava te avel jek nevo alosaripe karing e imigracia ande Polska.

Pe peski tik po Facebook sikavel e gruppa jek patreto pa jek parahodo perdone nashutnenca taj ando texto skirias pe " stoppa flyktingar " ashaven le nashutnen.

Ale e Jolanta Halkiewics penel ke voj chi las kadi informacia.

- So me zanaf si ke sas te skirin so si e polakongo gindo kaj biknen polcitsko puv kavere themenge. Ale kodo feri si te diken sosko gindo si le manushen, kodo keren vi ande Polska.

O Tadeusz Nowakowski katar e gazeta Nowa Gazeta Polska penel ke o Polska Kongressen kerdjilas so maj politicno, vi te na gibavesa andre e nationalisticno ternimatoski gruppa. Vov penel ke o toleranso karing e membrura kaj chi den dumo pe adjesutno kaj si Lag & Rättvisa si zurales cino.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".