Katja och Kipa (Ingrid) Blomerus. Foto Ulla Öhman
Katja och Kipa (Ingrid) Blomerus. Foto Ulla Öhman

Konfliktora ande bolnjitsa

4:35 min

Kana le romen truboj zutipe ande bolnjitsa shaj letko pheren ande konfliktora kusa buchara ande bolnjitsa anda kulturkrock vaj kulturaki ruznitsa.

But, thaj vi maj therne rom, cirden avri e vrama sar maj but oud tena djan kaj o doktoro.

E chib butivar kerel problemo, but anda maj phure rom vorbin feri romanes vaj sar e finiska rom kaj djanen feri e finisko chib, feri butivar kerel problemo e kulturaki ruznitsa, sar kana jekh maj phuro manush pashlol po meripe ande bolnjitsa , atonchi si e tradisia intrego familija te avel thaj te sikavel supporto.

- Kado butivar pharoj thaj vi dar le manushenge kaj so buchazin ande bolnjitsa, penel e Kipa thaj e Katja Blomerus kaj vi penen ke truboj te respektulin jekh, jekhes sel duj riga.

Te birina te vorbin sar te den pe jekh agor, chi truboja te hanpe. O gindo naj savori te djan andre ande soba kaj o patiento, feri e maj pashe, le kaver shaj beshen ande varisoski sala ande bolnjitsa te den supporto la familija.

E Kipa thaj Katja aktivninj ande organisatsia Framtidens unga romer. E Katja pirel oradi ande traditionalni gadha ande bari tsoha, thaj e Kipa alosardas tena piravel e traditionalni gadha. Sel duj ande peske 40 -bershi thaj vorbin zurales mishto shvediska, feri ke von barardej ande maj phurano citjaripethaj le regolora vaznij lenge.

Mashkar le regulora vaj tabu sar kaj penen le duj peja, si but pa manushikano stato kaj kerel ke shaj aven problemora kana djas pe visita kaj o doktoro, ke but bajora kaj si pende djan karing e regulora kaj si lazavo le manusheske te vorbij.

Le djuvla thaj sheja penen mindig ke lengo shero dokhal iva varikaj kaver sile dokh, ke sakofalo si zurales tabu.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade ljud i menyn under Min lista