Kale bucha ando Arbetförmedlingen.
Rekrytacia pe kale bucha ando Arbetförmedlingen Foto: Bertil Ericson / TT

Kale bucha pa o Arbetsförmedlingen

Na seriozni firmi birin te den kale bucha ande lokalura kaj si o Arbetsförmedlingen. 

Kodol firmi kaj len udzalo ande khidimata kaj o Arbetsförmedlingen organizulij naj kontrolovani. O Sten-Erik Johansson anda organizacia Fackligt center för papperslösa, phenel pa manush kaj rhoden peski bah phuterdes ando Arbetförmedlingen.

- Kadal manush, shaj djan andre ando Arbetsförmedlingen. Lektoj thaj po jivaj thaj bi problemoskoj thaj naj kontrola. Kajo si rekrytacia pe kale bucha, phenel o Sten-Erik Johansson anda Fackligt center för papperslösa.

Pala e organizacia Fackligt center för papperslösa tordzon le trin bare fackliga centralni organizaciji o LO, TCO thaj o Saco. E buchi djal avri pe kodo te zutis manushen bi lilengo kaj si chorres hasnime pe buchako marketo.

O Arbetsförmedlingen organizulin khidimata kaj chefura vaj arbetsgivare thaj manush kaj rhoden bucha shaj maladzon te phanden kontakto. Thaj o Sten-Erik Johansson anda Fackligt center för papperslösa, phenel ke o Arbetsförmedlingosko lokalo ando Södermalm ando Stockholmo si jek anda lokalura kaj le firmi kaj den kale bucha sas po than akharde te maladzon manushensa kaj rhoden bucha.

- Atunchi sas firmi kaj sas thele phandade vaj ghele ando konkurso ando Arbetsförmedlingen. Thaj shute avri bucha kaj sas po kalo thaj bicha kaj chi pochinde avri love. O Arbetsförmedlingen chi dikhle save firmi akharen andre pe peske khidimata, phenel o Sten-Erik Johansson.

E Lisen Trollbäck Eldh si chefojka ando Arbetsförmedlingen ando Stockholm City, kaj si o Södermalm jek ginado kotor. Kodol firmi kaj si pe khidimata kherdine katar o Arbetsförmedlingen naj kontrolovani.

- Kodol kaj hasnin amare servisura pa le rekrytaciake khidimata, kodol manushen chi kontrolulisaras. Kado si te birin le chefura te aven amende thaj te inkren peske rekrytaciake khidimata, atunchi das le zutipe te arakhas bucharen. Naj jek kotor anda amari buchi te kheras kontroli kade, phenel e Lisen Trollbäck Eldh.

Ferik ke o Sten-Erik Johansson anda Fackligt center för papperslösa, si kriticno.

[Duration:0:18]

- Kado musaj te kherdzol jek kotor anda e buchi ando Arbetförmedlingen. Te len sama ke chi hamin pe kriminalni firmensa kaj rekrytulin thaj pochinen po kalo thaj univar chi pochinen love safsiom. Kado si chaches jek lazavo, phenel o Ferik ke o Sten-Erik Johansson anda Fackligt center för papperslösa.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".