Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/
Nyheter och program på romani

Sosko sastipe si le romen

Keren ruzni projektora.
3:47 min
Erland Caldaras
Erland Caldaras

Ande palune bersha ljiljep te keren buchi e sastimaske mediatoria. Ljengi buchi sas te dikhen sar si o sastipe mashkar o roma ando Shvedo.

- Pala le intervju kaj si kherde, acharen le hälsoinspiratörer vaj e sastimaske inspiriratorura ke kadi sas jek seccesovno projekta, phenel o Kjell Olsson.

30 terne rom ando Skåne, Stockholm thaj ando Göteborg line edukacia sar sastimaske inspiritatorura vaj hälsoinspiratörer, te birin te inkren lokalni khidimata ande diferetni fereningura. Le khidimata sas pa diferetni sastimaske tema vaj pushimata thaj sas po than mashkar 10 zi kaj e 15 djene, phenen le inspiritatorura. Univar kherde konkretni aktivitetura sar khelimata vaj ke usinas, vaj maladzonas khere kaj varekon anda le sastimaske inspiriratorura. Phenel o skiritori pala rapporto o Kjell Olsson kaj kherel buchi ando Lunds Universitet.

- Butivar kamen te aven ande jek vlasno gruppa te shaj diskutulin kasave sastimaske pushimata kaj si maj sensitivni te diskutulis. Pharesij lenge te kheren kado kana kaver djene si po than, phenel o Kjell Olsson.

O Erland Kaldaras ando Romskt Ungdomsförbund ando foro Malmö sas jek anda kodol kaj zutisardas le 30 ternjimaton te kerdzon sastimaske inspiriratorura, thaj phenel ke kadi si jek sucesovno projekta kaj trobuj, ke buthe romen si slabo sastipe.


Vi o Kjell Olsson anda Lunds universitet, phenel ke kadi projekta sas phangli kaj sastimaske pushimata, sar te zutin romen kusa alkoholo, gambling, te shuden cigareti vaj te len zutipe kana chorres acharen pe psykicnie.


- Si pala atvetura kaj den effekto, sar baro kotor manush bi buchango, cini edukacia, thaj diskriminacia kaj le rom nakhen ando them, ke vi kado del jek baro effekto po sastipe, phenel o Kjell Olsson.

So avla akanak kana e projekta das po agor naj inte gata. Ferik ke vi le sastimaske inspiratorura thaj le manush kaj line udzalo ande projekta kamen te djal majdur kadi projekta, ke trobuj. O Erland Kaldaras phenel ke but phuterdas kado manushenge jakha kana avel kaj o sastimasko pushipe.


Vi o Kjell Olsson phenel ke zurales trobuj te djal majdur e sastimaski buchi mashkar le rom, te shaj aven kaj jek resultato kaj inkrena thela maj lungo vrama.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".