Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/
Nyheter och program på romani

Kale bucha den dopash pochin

Publicime tisdag 23 februari 2016 kl 11.50
Maj cera love pe kale bucha
Maj cera love pe kale bucha Foto: Lars Pehrson / Svd / TT

O zurales baro kotor asylantura vaj nashutne kaj aven ando Shvedo cinjarel e pochinimata pe kale bucha.

Le kade pochinimata vaj le svarta löner si dopasharde thela ferik cirka jek bersh.

O 19-bershengo Ronny avilas kathe anda Syria de panch shon kodoleske.

- Kana thodem gata le vasura mangenas ma pe zor te khidav thaj but kaver bucha. Me kheros buchi 12 chasura ando djes thaj denas ma lunchdoski pausa 15 minuti ando djes. Kasave bucha naj phares te arakhes. Ferik de trin shon kodoleske shaj lelas o manush 8 000 koroni ando shon. Akanak si e maj bari pochin 6 000 koroni, phenel o 19-bershengo Ronny anda Syria.

O Ronny si jek cino kotor anda e but nashutne kaj akanak aven ando Shvedo. Thaj kana majbut neve manush aven ando them thaj kherdzol jek bari konkuracia pe bucha, atunchi pheren thele e pochinimata, phenel e Pia Bergman, nationalno kordinatorka karing bari organisovano thaj ekonoicno kriminaliteto ando Skatteverket.

- Me dikhav ke so maj but djene akanak pharesij lenge te aven andre pe buchako marketo. Thaj atunchi si buthesa majbut manush kaj si diferetnie chorres hasnime. Trobuj te kheren buchi sar slugi vaj slavar. Vi djanas pe o kotor manush bi lilengo avla mabaro ando Shvedo, phenel e Pia Bergman anda Skatteverket.

E organizacia Fackligt center för papperslösa zutin manushen bi liengo kaj si chorres hasnime pe buchako marketo. Pala centro si e bare fackliga organizaciji o LO, TCO thaj o Saco. O sherutno anda Fackligt center för papperslösa o Sten-Erik Johansson vorbij pa pochinimata kaj si dopasharde manushenge bi lilengo kaj kheren buchi po kalo.

- Jek intrego shoneski pochin pe 6 000 koroni, kado naj kanchi, te sas kadale manushen de jek bersh kodoleske 10, 12 vaj 13 000 koroni ando shon. Kado si atunchi dopash love, phenel o Sten-Erik Johansson sherutno anda Fackligt center för papperslösa.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".