Anders Ygeman (S). Foto: Helen Ling/Sveriges Radio.
Anders Ygeman (S). Foto: Helen Ling/Sveriges Radio.

Koperatsia te ashaven le granatora

Lashi koperatcia
1:34 min

O Shvedo thaj e Serbia dine pe jekh agor te bararen kethane e buchi karing le themeske policia. 

Tela agorutno bersh sas but attakora kherde granatonsa ando Malmö, Göteborg, Uppsala, Kalmar thaj ando Stockholmo. Feri ando Malmö sas karing 20 attackora kherde granatonsa thaj vi pushkajimata. O mordutredare Börje Sjöholm anda Malmö thaj o Bertil Olofsson, chefo pe nationalno bombskyddet, penen ke le granatora si kerde ande purani Jougoslavia, jekh normalo modell si M75.

O Gunnar Appelgren chefo pe spaninsgssektionen ande regionalno vestegasiakodepartemento ando Stockholmo penel ke kadal garnatora den sar jekh bonuso kana kines ilegalni pishtolora anda Balkan, thaj penel vi ke mizan milijonora pishtolora thaj granatora ando Balkan.

O Shvedo thaj e Serbia dine pe jekh agor te bararen kethane e buchi karing le themeske policia. Jekh anda gindora si te birin te ashaven o smuggling le granatonsa thaj pishtolontsa kaj sas hasnime ande attentatora ando Shvedo. Intrego kontrakto avla gatha dji kaj o milaj.

Thaj o themeskoministro Anders Ygeman kaj si po than ande Serbia penel ke aba adjes si jekh lashi koperatsia mashkar e policia ande Serbia thaj Shvedo.



Info pa attackora kaj sas kherde:

Ando Malmö mashkar juni thaj augusti ando 2015 bersh sas karing 10 attentatora granatonsa kaj paradjile ande khera matori,thaj garazora. Ande pushkajimata sas manush kaj sas dokhade, ale na katar le granatonge attackora.

15 november: Jekh granato sas shudo ande felastra pe jekh planovano flyktingboende ando Kalmar, o granato paradjilas pe vulitsa ale konik nas dokhado.

21 augusti: Jekh granato shudino karing e policiako busso ande Tumba, kaj pelas karing jekh dopash metro maj dur. Le shkodi po busso sas bare.

16 augusti: Jekh parkulime matora pradjilas ando Helsinborg.

9 augusti: Jekh granato paradjol pe Möllevången, Malmö

6 augusti: attentato karing jekh apartamento ando Trelleborg.

5 augusti: Jekh granato shuden andre ande jekh socialkontora ando Trelleborg.

26 juli: jekh detonasija po parkeringo ando Värnhem ando Malmö.

24 juli: granato paradjol avri pasha entre ando Malmö stads kontora pe individ-thaj familjeomsorg.

20 juli: detonasia, katar jekh granato tela jekh parkulime matora ando Limhamn ando Malmö.

12juni : jekh shtare bershengo chavoro thaj trin maj pure manush meren ande jekh matoraki explosia ando Torslanda ando Göteborg. Jekh anda le maj pure sas panglo kaj gruppenge marimata.

21 maj: duj granatora sas shudine ande jekh pubo ande Uppsala kaj paradjile ande garderoba

9 april: granatora thaj atomatikora si arakle ande jekh teshka ando Göteborg.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".