Utrikesminister Margot Wallström läser upp  utrikesdeklarationen i riksdagen. Foto: Maja Suslin/TT
Utrikesminister Margot Wallström läser upp utrikesdeklarationen i riksdagen. Foto: Maja Suslin/TT Foto: Maja Suslin / TT

Avrithemutni dekleracia presentulime adjes

"Klimato maj importantno pushipe"
4:36 min

O regeringo site shol jek specialno ambasadoro te kherel militarno cinjaripe thaj jek ambasadoro pe manushikane chahcimata.

Kadal sas duj anda na but nevimata ande avrithemutni deklaracia kaj e avrithemutni ministerka e Margot Wallström ginadas ando riksdagen adjes.

Le Alliansoske-partiji majdur kamen o Shvedo te aven membro ando Nato, ferik ke e formulacia kana avel kaj e Shvedoski securitaki politika si sa kodi sar angla kado.

- Le Shvedoski securitaki politicni linja ashel sar kaj si. Amari militarno alliansoski libertacia djal amenge mishto thaj del stabiliteto thaj securita ande norra Europa, phenlas e avrithemutni ministerka e Margot Wallström.


Thaj kadalesa phenlas e Margot Wllström adjes ke e alliansoski libertacia vaj o alliansfriheten musaj te avel ande kombinacia kusa buchi kavere themensa thaj organisaciensa. Kusa o EU, kavere themensa ando Norden, FN thaj kaver. Thaj vi o shvedisko solidariteto vaj o solidaritetsförklaringen ashel sar kaj si.

- O Shvedo chi avla passivno te avla jek katastrofa vaj jek atacko te avilov ande jek kaver EU-them vaj jek them ando Norden. Ame vi zukaras kadal thema te kheren sa kade te avilov kado ando Shvedo. Amaro them site del aj te lel supporto, vi civilno thaj vi militarno, phenel e Wallström majdur.

Kaj majdur phenlas ke o klimato si amara vramako maj baro pushipe, thaj vi phendas ke o regeringo akanak shuven pe pala jek maj bulho dikhipe pe securita, kaj si pushimata opruch militarno dar, terrorismo, klimato migracia, pandemiji thaj manushikano smuglo. Thaj but zor trobuj specialnie ande migraciake pushimata, vi thela skurto thaj maj lungo vrama.

E Margot Wallström vi vazdas opre ke o Shvedo akanak inkrel jek feministicno avrithemutni politika, thaj phendas pa o medlingsnätverk kaj o regeringo las initiativa pe kado.

- Ame inkras e buchi majdur pala amaro plano te aven andre djuvla ande pachake processi. Kana kheras djuvla te aven jek kotor anda pachake diskusiji ande Syria shaj kheras jek te avel jek maj inkherdo them.

O EU si e Shvedoski maj importantno avrithemutni politicno arena, phenlas e Wallström. Thaj ande kado phendas vi ke si centralnie te shaj ashel e Bari Britania ando EU, thaj ke ando EU trobuj migracia shutini pala solidaricno responsibilita thaj internationalni bucha, phenlas e Wallström majdur.

- Kusa 60 miljonura manush kaj si nashutne nashtik avel ame kasavi situacia ke uni thema shaj kinen paplanura vaj filtar thaj kaver te investulin ando taggtråd vaj kutsime sastra, phenlas e Margot Wallström.

Ande avrithemutni dekleracia vi si phendo ke importatnoj ke o EU thaj e Turcia shaj sikhaven konkretni pasura angle ande jekhutno plano pa migracia. Sa kadi vrama sikhadzol jek dar pe jek violentno progresso thaj ande situacia pe manushikane chachimata ande Turcia.

E Russiaki ilegalno okupacia po Krim thaj e themeski militarno presencia ande östra Ukraina si bare kriminalitetura karing manushenge chachimata, thaj si o maj bari buchi kaj trobuj kherdi karing e securita ande Europa de sar o shudro maripe, phenlas e Wallström, thaj manglas ke o Assad-regismo thaj e russiake bombi ande Syria musaj te ashadjon. Thaj kana avel kaj o Irako, kherel o Shvedo buchi ande EU pe jek maj lungona vramaki stabilizacia.

O Shvedo si shuvel jek specialno ambasadoro pe manushikane chachimata, thaj pe sakone manusheski securita karing diskriminacia, kado si amari jekhutni responsibilita, phenlas e Margot Wallström.

- Kado si pa anti-rasismo thaj bucha shutine karing sar exemplo anti-semetismo. Afrofobia thaj antizigasnimo. O Shvedo si jek globalno glaso pe reproduktivno sastipe thaj chachimata, thaj anda sakone manushesko chachipe, phenlas e Margot Wallström.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".