FOTO: JANERIK HENRIKSSON / TT
Foto: JANERIK HENRIKSSON / TT

Buchara pe Försäkringskassan suspektovani anda kriminalni akcie

Duj buchara anda 13 000
3:05 min

Buchara pe Försäkringskassan si suspektovani ke hohavenas kusa assistansersättningen. Zipun so si duj zene opre dine pe policia taj e Försäkringskassan gindi ke maj but zene si ande kado.

Sode buchara kerde kasavo bajo ke denas avri personuppgifter/ informacia pa manush chi zanel e Ann-Marie Begler kaj si generaldirektör pe Försäkringskassan.

- Kado si seriosno bajo, dam pe dosh ke si amende buchara kaj den avri privatno informacia kavere bolagonge, aj mange baro bajoj ke si bolagura kaj si intresovani taj hasnin kasav informacia, penel e Ann-Marie Begler.

Pare kurke kodoleske las e Försäkringskassan te kerel suspekto ke jek buchari das avri informacia pa manush kaj si len handikapo aj si len pravo te avel len lengo privatno assistanso/zutipe. O buchari las pochin katar o assistansbolaget ke bikindas lenge e informacia, o assistentbolaget kade rodel peske kundon.

Adjes avla pale jek buchari opre dino pe policia. Sel duj buchara si koplovani kaj o assistansbolaget. Sode informacia dine taj sodivar chi zanas inke, penel e Ann-Marie Begler, ale suspektuli ke inke maj but dena pe dosh.

- Maj dur keras buchi kadalsea, taj site das pe dosh, penel voj.

Pe soste si e buchara suspektovani si dataintrång, tjänstefel/kerdan variso pe buchi kaj naj slobodo, taj vi brott karing o tystnadsplikt, tystnadsplikt si ke nashtik puris avri so e patientura taj ekundura penen.

- Muro gindo si ke ande za but systemura shaj zan andre e buchara pe Försäkringskassan, penel e Ann-Marie Begler.

Kana sas latar pushlo sostar zan avri kadalesa kana feri duj buchara anda 13 000 si supktovani anda kado pendas voj kade:

-musaj te avel biziala karing e Försäkringskassan taj kaj o assistans reformo, anda kodo importantnoj te penas pa kado, penelas voj maj dur.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".