Romane chavore sikljon pe dijaki chib.
Romane chavore sikljon pe dijaki chib. Foto: Radio Romano

Phagolpe Ramkonvnecia pa e dijake chibako

4:38 min

O Concilo e evropako, prekal e ram konvencia 8 var dlas kritika e shvedoske kaj chi dol but chasia e nationalne minoritetien te sikljon pe dijaki chib andi shkola.

Andi paluni anketa savi kerdas o Easyresearch e progarmaoske Sisu radio, mothodape kaj ande but komune sikljolpe numa 1 chaso ando kukro vaj kotar e 40 dji ke 56 minutia.

O professor Jarmo Lainio pa o sikljovibe pe dijaki chib phenol kaj akava naj dosta so dolpe ando shvedo.

Naj but jekh chaso ando kurko, but phare si te sikljolpe vareso, gado si but cera. Numa so si positivno aklaje chasosa si kaj numa e chavore socialno maldjon ko jekh than. Ando puchipe kobor chasia trubun te sikljolpe dijake chib savi si e rekomendacia kotar o Concili e evropako vaj e ram konvencia o Prof. Jarmo Lainio phenda.

Minimum si dji ke 4-5 chasia ando kurko te sikljolpe vareso, kana vorbis pe sako djes te vorbis vi khere che daki chib shaj sichos vareso. Numa te shaj kerolpe vareso pe akala puchipe trubun rekomendacia te aven kotar o Skolverket, vaj kastar trubun te aven e rekomendacie te shaj e komune den maj but chasia pe dijaki chib o Jarmo phenol.

Amen so kera rodimata pe akava puchipe rodas gado thaj me pachav kaj vi o Skolverket, numa sa akava trubul te avol katar o departameto numa me chi pachav kaj ande jekh sigo vrama ka avol gade. Numa ando puchipe pahagen e komune o zakono so na den but chasia te sikljolpe e dijaki chib o Jarmo phendas.

Akava naj pedagogisk, naj khanchi vi te phena te arakholpe e chib numa jekh chaso ando kurko, musaj e manusha te pucholpe mishto so kerdape, me gindiv kaj sa akava si jekh ekonomichno probljemo thaj gade but komune phagen o zakono te dolpe sikljovibe pe natinolane minoritetia.

Si mi vareso positivno so o shvedo kerol o profesori thaj o roditori pe dijake chibja phendas gade?

Godo so si mishto si numa kaj o zakono vazlape upre te vorbilpe pa e edukacia te sikljovolpe e dijaki chib ando shvedo, numa si but, but te kerol o shvedo kana keroklpe komperacia e javer themanca andi evropa pa o puchipe te sikljolpe dijaki chib andi shkola o shvedo si but palal.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade ljud i menyn under Min lista