Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/
Nyheter och program på romani

Majdur djal e investigacia po Palme

Publicime fredag 26 februari 2016 kl 15.15
133 djene phende ke mudarde e Palmes
4:32 min
Olof Palme håller tal
Olof Palme håller tal Foto: BERT MATTSSON

Kurke ghelas 30-bersh desar o shvedisko themesko vaj statsminister o Olof Pale sas mudardo pe phuterdi vulica ando Stockolmo.

Thaj zhojine inkherdas e Palme-gruppa, kaj majdur kheren investigacia ando mudaripe jek presskonferanso pa lengi buchi ande investigacia.

O sherutno vaj o spaningsledaren o Dan Andersson vazdas thela konferanso le but testimoniji kaj si pa manush kusa walkie talkies krujal o than kaj mudarde le Palmes kana kodo kherdzilas.

- Kana dikhes palpale pe so kherdzilas krujal o than thaj kana avel kaj e walkie talkies, si phendo ke sas 80 kasave po than. Thaj kado si za but o tena les kado serioznie. Kathe si manush kaj naj phangle jekh kavresa thaj dikhle sa kado thela sa kodi vrama thaj e despripcia thaj le signalamentura pe kadal manush i diferetni, ferik ke si vi but kaj si sa kade, phenel o Dan Andersson.

Vi o phendo Sydafrikaspåret, kaj si jek teoria ke sas manush anda atunchi e sydafrikanisko säkerhetstjänsten vaj themeske securita kaj mudarde le Palmes si majdur aktualno, phenlas o Dan Andersson.

- E paluni vrama avilas amende andre dosta but nevo materialo, vi katar jounalistura kaj sas ande Sydafrika thaj vorbisarde manushensa anda lenge departementura. Ferik ke vi katar jek phurano diplomato kaj kherlas buchi ande ambasada ande Pretoria, vov das but informacia pa Palmesko engagemango ando resisto. Ame vi lam andre but informcia katar e zutimaski organizacia e Sida, thaj kadi informacia kherel ke ke site dikhas po Sydafrikaspåret pale, thaj te dikhas chi si vareso kothe, phenel o Andersson majdur.

E Palme-gruppa vi akanak mangen manushen te den informacia pa le duj murce kaj sas dikhline ke mukhle o Shvedo pa Arlanda airporto ande jek nevimasko artiklo katar e Arlanda o 1 mars ando 1986-bersh, o djes pala o mudaripe.

E gruppa majdur vi si interesovani te len kontakto manushensa kaj shaj avel le informcia pa kodo pishtolo vaj vapen kaj jekhe murces sas kaj akanak naj trajime thaj sas les licensa pe kodi vrama, jek Smith & Wesson Magnumrevolver. O murce kaj nashtik dikhleas le Palmes, las pesko trajo ando agusti shon ando 2008-bersh.

E förundersökningsledaren, vaj sheruni rhoditorka ande investigacia e Kerstin Skarp, phenlas ke naj varesoki specialno policiarno vurma vaj polisspår ande mudarimaski investigacia.

- Naj kanchi, sar ame acharas. Si luzni khetanes shutini informcia kaj avilas andre pa diferetni policiantongi buchi. Thaj kado naj dokumentovano, ferik ke individualnie andre shutinij kadi informacia, pala sako buchi, phenel e Kerstin Skarp.

Opral e 10 000 manush sas avri pushle ande investigacia, thaj thela bersh confesulisarde vaj 133 djene ke mudarde le statsministros. Opral e 87 000 dokumentura si ande Palme-gruppaki data-basa.

E Kerstin Skarp, phenel ke o goalo ande investigacia si te te den po agor, ferik ke vi phenel ke chi avile maj pashe kaj jek solucia.

- Nashtik phenav ke si solucia. Naj garudini informcia ke naj ame jek mnaush kaj si doshalo, phenel e Kerstin Skarp, prokurorka thaj sherutni ande investigacia.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".