tiggande kvinna sitter mot ett träd. Foto Leif Blom / TT kod
Foto Leif Blom / TT

EU-migrantura marde - krisi naj kherde

Kaliber arakhle but anda romen
3:08 min

Na but kriminalitetura karing EU-migrantura si dine opre kaj e policia, ferik ke vi ande fallura kana le rom dine opre ke sas marde vaj darade nas kherde krisi.

Le Shvedisko Radiosko programo Kaliber maladzile le romesa o Marcel, kaj mardas les o Kistamannen.

E krisi nas kherde ke o Marcel shoha nas akhardo. Thaj kado vi te si kade ke si diferetni shvediska adresura kaj shaj bishadov pala leski vordoneski resgitracia, sikhavel o P1-programosko Kalibers rhodipe.

O Kaliber dikhas pe krisi karing o Kistamannen sar kaj phenen leske, kaj butendar sas phendo ke kherdas attackura pe rom ando Stockholmo. But krisi karing o Kistamannen nas kherde ke o tingsrätten vaj e krisi acharde ke le offiari chi djalas te arakhes, vi te si but anda lenge kontaktura ande shvediska registri.

O Marcel, kaj si les kaver anav, das opre pala milaj o paluno bersh ke sas mardo thaj darado ando Kista centrum katar o Kistamannen sar kaj penen leske. Ferik ke e krisi kaj sas te avel ando oktober shon, nas kherdi ke o Marcel thaj trin kaver djene shoha nas akharde. E krisi acharde ke chi djal te arakhes le Eu-migranton.

E Marianne Merdal, si handläggare ando Stockholmosko tingsrätt.

- Kana lam o fallo katar o prokurori atunchi lam ferik e anava pe kodol manush, chi soske adresura vaj vareso. Anda kode nas ame possibilita te akharas le, na pe jek adreso, phenel e Marianne Merdal.

Ferik kana o Kaliber dikhel pe krisaki processa, arakhen von shvediska adressi pa e vordonenge registra kaj lila shaj avilov bishade. Von vi arakhen le Eu-migranton po telefono thaj len avri but adresura ande Romunia pa jek kontakto kaj sas ande krisi.

E romengi advokatda e Denise Lagercrantz, phenel ke o Tingsrätten trobusardov te kherel majbut.

Ferik ke o Lars Isaksson, gruppako sherutno ande policia kaj rhode ande kadal kriminalitetura karing le rom phenel ke kherde sa so sas zukardo lendar.

- Ame nashtik musajtisaras manushen te den informacia thaj che dur site djas te rhodas ande registri te arakhas intrego informacia pa kadal manush, kado si chudasho angla mande phenel o Lars Isaksson.

Thaj kana e reporter anda Kaliber phenel ke arakhle duj adresura, phenel o Lars Isaksson, ke majfeder arakhle le adresura sar von, thaj ke len andre e informacia thaj najisin te si majdur aktualno.

O paluno kurko phendas e Solna tingsrätt ke inke jek nevi krisi si planovano ando maj shon kado bersh. Atunchi ghelas paschi jek bersh te sar le anglune atckura sas opre dine. O Kistamannen sas pari kurke phanglo thaj pala kode avri mukhlo. Thaj EU-migrantura ando Stockholmo phenen ke daran adjes.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".