Abeba Aregawi
Abeba Aregawi. Foto: TT Nyhetsbyrån

Abeba Aregawi tela vetegasia

"Naj slobodo te avel ando OS".
1:45 min

E Abebe Aregawi kaj las somnakaj ando nashipe ando VM, thaj vi maladas duj shvediska rekordora ando nashipe muklas dopingtesto kaj sikadjilas positivno, tela treningo ande Etiopien

E Abeba Aregawi sas pageri, thaj chokovano pala resultato kaj sikadas positivno dopingtest. Kado penel lako agento Valentin Trouw kaj si pe lako nederländska manegmento thaj kaj das la o resultato.

O Valentin Trouw pendas ke laki reaktcia sas sar te pendov ke varisosko nasvalipe kapisardas thaj pashal pe late kana voj pendas ke voj chi zanel sar o meldonium sikadjilas ande lako stato.

Thaj chi avla lake slobodo te lel odjalo ando OS ando Rio milaje.

E Malin Ewerlöf kaj inkrelas o paluno rekordo ande 800 thaj 1500 metrengo nashipe kaj maladas e Abeba Aregawi, kamel akana te keren rodipe sar e Abeba Aregawi las o rekordo thaj vi sar lash pasha ando them.

E Ewerlöf penel ke lake choko pelas kana shundas ke o testo kaj las e abeba pa doping sas positivno, thaj penel ke voj kamel chaches te huchilen kodolen kaj chohaven ando sporto, ke naj vesolo kana zanes avri ke hohajipe sas ande varisoste kaj sas pinjarado. Lake vi chudnoj sar e Abeba inkrelpe karing peski pasha ando them, aj chi voj chaches kamel te kerel tävla le Shvedoske.

Ker Relacia

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".