Foto: Erik Thyselius/Sveriges Radio
Foto: Erik Thyselius/Sveriges Radio Foto: Foto: Erik Thyselius/Sveriges Radio

Komuni musaj avla te len andre asylanton

3:25 min

Adjes o 1 mars avel andre o nevo zakono kaj bushol anvisningslagen. O zakono znachij ke komuni de katar adjes musajij te len andre nashutnen kaj line permisia te ashen ando them, vaj jek uppehållstillstånd.

O Andreas Sturesson si kristdemokratisk kommunalråd ando Jönköping, thaj si kriticno karing o nevo zakono ke akanak musaj avla la komunake te len andre majbuthe nashutnen.

- O pharo kadalesa si ke ame sam jek komuna kaj baruvas thela progresso, thaj naj ame volni khera kaj shaj das avri, ferik ke musajij amenge te kheras intrego kado kapaciteto. Thaj kado naj letko, chi djal maj sigo te bodulis jek kher adjes sar kaj djalas de duj bersh kodoleske, ferik ke sa kadi vrama trobuj majbut khera phenel o Andreas Sturesson kommunalråd ando Jönköping.

O regeringo phenen ke o gindo pala o nevo zakono kaj del ande zor adjes si te kheren maj lashi e situacia le neve manushenge ando them kana avel kaj lengi etablacia pe buchako marketo thaj lengo trajo ando them.

Ande Jönköpings komuna sas ulado 260 djene kaj e komuna site arakhen lenge kaj te trajin, thaj o Andreas Sturesson phenel ke adjes aba pharesij te arakhen khera kodole nashutne kaj aba si ande komuna, thaj ke o regeringo chi dikhen sar chaches mezij o kherengi situacia ando them.

- Chi dikhen pe buchako marketo, thaj kado kherel amenge buchi kaj musaj gindoj me te hasnisaras na konventionalni metodi thela kado bersh te arakhas khera kadale manushenge. Me chi arakhov khera kadale manushenge kaj musajij amenge ´te las le andre ande komuna, ferik ke trobuja förläggningsboende, vaj temporarni khera le asylantonge, phenel o Andreas Sturesson.

O Mathias Wahlsten si chefo ando departemento pe integracia thaj etablacia ando Arbetsförmedlingen, o departemento kaj si akanak responsibilno o ulajipe nashutnengo mashkar le komuni, thaj phenel pala save kriteriji von ginaven sode manushen jek komuna site lel andre.

- Che barij e komuna, soski e e situacia pe bucha, ferik ke vi sar mezij e situacia adjes. Sode nashutne si kothe adjes, sode shavora, ferik ke vi sode asylantura inkherdzon ande komuna. Feri kaj si maj cera lena andre majbuthe djenen, phenel o Mathias Wahlsten, anda Arbetsförmedlingen.

Kaj majdur vi phenel ke kusa kado nevo zakono si jek bersheko plano kherdo le komunenge kaj von sar departemento shaj zutin le lesa. Shaj phenen kana si le volni khera thaj kadales te del e komuna effekto kana thela bersh von len andre neve manushen.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade ljud i menyn under Min lista