Differentne flaski po alkogel thaj orangovo juice.
Ternimata pien alkogel thaj orangovo juice. Foto: Örjan Bengtzing/Sveriges radio

Ternimata nasvajven po alkogel

Ternimata jutin ande bolnica ke pile alkogel
3:38 min

Jekh trendo mashkar ternimata ando Shvedo kerel ke but apoteki ando Shvedo garuven alkogel pala kasa.

Ternimata mashkar 15- 17 bersh pien alko gel kusa orangovo juiso thaj pala kodo matshion von kade zurales ke nasvajven thaj jutin ande bolnica, phenel o Stefan Sund anda Karlskoga policia.

Stefan Sund kerel buchi ternimatonca thaj vov las sama pala jekh rodipe so e bolnica ande Karlskoga kerde.

E bolnica las te kerel jekh rodipe de duj bersh kodolestar te dikhen savi dosh sas khaj kodol so aven otrovane/förgiftade kusa jekh intox blanketa.

Kadi blanketa dikhel perdal save neve drogi si thaj birij te dikhel pe savi toxina si ande jekh trenda.
Pala nevo bersh maladas e bolnica alarmo ke but ternimata matshion khatar alkohol gel.

E policia ando Karlskoga, Degerfors thaj Kjellefors gele avri ande e apoteki thaj vorbisarde lenca pa kadi problematika ke adjes naj chi soski bersheski granitsa po alkohol gel thaj savori birin te khinen kado adjes phenel o stefan Sund maj dur.

Ande alkohol gelo si karing 85 procenti alkoholo thaj kana e apoteki shunde ke ternimata pien kado line von tele sa e alkohol gelura so sas anglal thaj si akanak pala kasi.

Sabina si jekh romni thaj si jekh dej, la si jekh chavo ande kadal bersh 15-17 thaj phenel ke chudij pe ke ternimata pien kasave gelura ke adjes sitchiaren ande skoli so kasave buchia shaj te keren.

Sabina chi pachal ke lako chavo kerdov kado te piel alkohol gel feri ke djanel ke si kado ke ternimata birin te diljaren jekh kaveres thaj atunchi si kodola so pien kasave alkohol gelura.


Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".