Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/
Nyheter och program på romani

EU topp khedipe ande Turcia

Publicime måndag 7 mars 2016 kl 12.12
"Turcia musaj te inkrel peski granitcia"
(2:22 min)
Duj flagi EU thaj torkitsko flaga.
EU khedipe ande Turcia. Foto: OSMAN ORSAL

EU thaj Turcia maladjion ande jekh top khedipe pa nashutnengi kriza.

E konditci musaj te kerdjion maj lashie e nashutnenge so si ande Turcia, karing 2,6 miljonura nashutne anda Syria si adjes ande Turcia thaj trobuj te del pe len varisavo zhutipe kusa trajoske konditci thaj vi skola, phenlas arachi o andrethemutno ministro Anders Ygeman ande SVT Agenda.

Ygeman phenlas vi kodo ke EU mangel zhutipe e granitci mashkar EU thaj Turcia thaj vi te aven legalne drom andre ande EU.

Kado ke EU kamel te kerel buchi kusa Turcia las aba kritika anda but thana thaj Hans Linde anda Vänsterpartiet phenel ke kado naj mishto.

O shvedo musaj te lel decizia, nashtik te vorbij pe pa manushikane chachimata thaj demokratcia thaj pala kodo te del pe vast themenge so malaven kadal buchia.

Hans Linde anda Vänsterpartiet kritikulij Shvedos ke Turcia chi del adjes kodo zhutipe so trobuj thaj phenel ke chuda avla te kerla Turcia maj dur kasavi buchi kusa love anda EU.

Ministro Anders Ygeman phenel ke EU thaj Shvedo chi kamel feri te bishavel love po shushio feri ke mangela pe te dikhel pe e buchia so shaja te aven ande projektova formi.

Po pushipe sostar o Shvedo sar EU membro del vast e Turciasa, phenel o Ygeman ke kodo kerel pe te lel Turcia responsebilita pe peski themeski granitsa thaj kodoles zhutij pe grekos khaj inkrel e Eu:oski granitcia

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".