Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/
Nyheter och program på romani

EU dealo mashkar EU thaj Turcia

"Kodol so aven anda Turcia si te bolden pe palpale"
2:33 min
Manush pe lotka thaj Stefan Löfven.
Stefan Löfven thaj nashutne pe lotka. Foto: Manu Brabo/TT, Francois Walschaerts/TT.

Aratchi agorisajlas o baro topkhedipe mashkar EU thaj Turcia.

Kodol so nakhen pa Turcia ando Eu si te bolden pe palpale, phenel o Shvedicko Statsministro Stefan Löfven pala arachutno toppkhedipe ando Bryssel.

Statsministro phenel vi kodo ke but nashutne pochinen bare love te nakhaven droma khaj shaj te meren manush thaj kado trobuj te malavel pe tele.

Pasha kodo mangel pe te putrel pe legalne droma mashkar Turcia thaj EU.

O dealo so sas kerdo mashkar EU thaj Turcia si feri pa manush anda Syria phenel o Löfven khaj Shvedicko Radio, e kaver nashutne naj andre ande kado dealo, Turcia kerel lenca buchi sar maj anglal.

Jekh kaver buchi so sas nevo ande arachutno khedipe si koso ke EU shaj te del maj but love sar kodol 30 miljardura koroni - 3 miljardura euro so sas maj anglal avri dine pe kado dealo.
Kana o Stefan Löfven djalas po toppkhedipe chi kamlas vov te vorbij pa extra love feri pala arachutno khedipe phenel vov ke shaja te del pe maj but love.

Kado nevo propozalo kusa ekonomichi zhutipe avilas avri pasha mesala thaj na feri o Stefan Löfven chudisajlas feri vi kaver 25 kaver sherutne anda Europake thema chudisajle kana Njamco, Turcia thaj Hollando das.

Kasave buchiake propozalura si phare te nakhavel pe thaj kado naj lashio buchiaki metoda kana naj sa e propozalura gata angla jekh khedipe, phenel o Shvedicko statsministro o Stefan Löfven.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".