Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/
Nyheter och program på romani

"Rom si Indiake chavora"

Publicime onsdag 9 mars 2016 kl 10.08
"Tume san amare hasarde chavora"
(2:41 min)
Ministerka Sushma Swaraj
Indiaki avri themutni ministerka Sushma Swaraj Foto: Altaf Qadri

Indiaki avri themutni ministerka Sushma Swaraj phendas pe jekh internationalno romani konferencia ande India ke e Rom si a Indiake chavora.

"Tume san a Indiake chavora khaj mukhlan o them thaj trajisardan tela phare konditci ande kaver thema tela but bersh, feri vi kade inkren tume tumaro identiteto"

Pasha kodo phendas e ministerka Sushma Swaraj vi kodo ke e rom si jekh lashio examplo sar shaj te trajin e manush pachasa ande multikultaralne thana.

Kado sas phendino pe jekh trine djesengo konferencia so Indian Council for Cultural Relations thaj e Antar Rashtriya Sahayog Parishad.

Po than sas vi o Rom o Jovan Damijanovic so si presidento ande organizatcia World Roma Organization thaj vov phendas kote ke e rom kamlov te aven ginade sar e Indiake chavora.

Pe konferencia phenlas pe ke e rom shaj te aven nipo e nomadicne grupenca anda India sar e dom, banjara, gujjar, sansi, sikiglar, dhandar thaj vi khaj kaver grupi.

Adjes si opral 20 miljonura rom ande ljuma thaj kadal manushen si but negativne anava sar Zigenare, Cygan, Gipsy thaj si vi kaver anava pe rom.

Jekh resolutsa sas shutini po agor pe kadi konferencia thaj kodo sas te avel maj but personalne kontaktura mashkar e rom thaj e indicura thaj te avel kodo vazdino opre.

Akanak kamel pe vi te vazdel pe opre thana khaj shaj te kerel pe diferentne rodimata pe rom pa romengi historia thaj lengi migratcia thaj mangel pe te vazdel pe opre e romani chib sar jekh nationalno minoritetno chib ande india.

Trobuj te del pe ekonomicne relatci mashkar e rom thaj e Indiake manush.

Kado so e ministerka Sushma Swaraj phendas si angluni data sar jekh kade oficialno manush anda India phenel kado de khatar 1976 kana e purani presidentka ande India Indiara Ghandi phendas e romenge ke e rom si indiake chavora sar kade oficialno phenel pe ke e rom si Indiako narodo.



Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".