Telefonura thaj surfpads ande ternimatonge vast.
Za but dikhipe pe mobilne telefonura shaj te del jakhenge problemura. Foto: Erik Nylander/TT

Za but dikhipe shaj te del jekhenge problemura

4:09 min

E chavorengo hasnipe khatar e neve mobilne telefonura thaj e diferentne surf tablets kerel ke e shavora romun penge jakha.

Optiker Joakim Wikander phenel ke leste ande opticarna aven sako djes chavora khaj mirin okulara, ke len si problematika e jakhenca thaj kado si chachimasa jekh hohavno problemo - falsk närsynthet thaj kado problemo shaj te saschiarel pe.

Tony Pancell si docento thaj kerel buchi ande ande jakhengi bolnica S:t Eriks ögonsjukhus, vov phenel ke ke kado si chachipe ke e chavora romun penge jakha khatar e mobilne telefonura thaj e surf tablets.

E jakha tsirden pe ketanes thaj e jakha khaj e chavora kerdjion sar khaj e maj phure, kado si problematicno ke kado kerel jekh hohavno jakhengo problemo ke chi dikhel pe mishto pashe.

Pasha kodo si vi kaver symtomura thaj kodo si ke e shavora kerdjion khine thaj lengo shero dukhal, phenel o Tony Pancell maj dur.

Kadal si astigmaticne jakhenge problemura thaj e symtomura chi aven tetehara feri aven pala mizmeri.

Feri kadal jakhenge problemura birij pe te saschiarel phenel o Tony Pancell. Shaj te piravel pe okulara jekh vrama thaj pala jekh vrama saschion e jakha.

Pasha kodo si jekh kaver solutsia thaj kodo bushiol 20, 20, 20 metoda. Si te kerel pe jekh pausa sako 20 minuta 20 sekundi thaj te dikhel pe 20 metri angle te avel peste e jakha, phenel o Tony Pancell maj dur.

Mimmi si 5 bershengi thaj voj beshel but vrama angla mobilne telefonura thaj khelel pe thaj dikhel pe paramichi.

Laki dej e Sharlejka phenel ke voj chi achardas maj anglal ke laka shejora sas falsk närsynthet ke e Mimmi phenlas ke lake jakha dukhanas thaj ke sas khini thaj pala jekh vrama gelas voj lasa khaj o doktori feri ke lake chi phende tela jokhvareste ke o problemo sas khatar e mobilni telefonura thaj surf tablets.


Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade ljud i menyn under Min lista