Nadia Murad vorbij ando mikrofono
Manushikani aktivistka Nadia Murad si ando Stockholm. Foto: Rafand Ahmad/Sveriges Radio

Aktivistka marel pe karing IS

"E djuvlia musaj te skepin pe khatar kado"
3:06 min

Nadia Murad nakhelas sexualno zor tela but vrama, akanak kamel te zhutij kaveren.

Adjes me sim ando shvedo, thaj angla kodo simas pe but kaver thana thaj vorbisardem thaj manglem oud o Islamska staten te avel tele ashado, amare sheja thaj djuvla musaj te aven skipime, thaj te zutin kodolen kaj si ande nashutnege lagera.

O Yaz-idiska aktevistka pe manushikane chahcimata Nadia Murad avilas ando shvedo te malajol sar la avrithemutna ministerkasa Margot Walström thaj te shol press vaj maj bari zhor po shvedisko regeringo te zutij intregi rakloran thaj djuvlan tena aven tele hushilde sar sex-slavar,katar o terroristishno gruppa IS.

E Nadia Murad si adjes 21 bersheski, thaj de jekh thaj dopash bersh kodoleske sas voj kidnappad katar o IS thaj sas ingerdi ando Mosul ando Irak thaj kote sas voj lenge, le soldatonge anda IS sloga tela trin shun, puki varisar birisardas te nasheltar, thaj de sar kodi vrama voj marelpe oud te vasdel opre kado pushipe.

Milijonora manush nashentar anda peske vlazni khera, thaj chi birin te djan palpale. Chi sosko regeringo, chi sosko them chi len po baro amari dokh. Intergo luma truboj te putern peske yaka thaj te diken kado, thaj te reagulin. O IS musaj te aven tele ashade.

But djuvlange organisatsiji akardela pe visita. Sar e organisatsia Glöm aldrig Pela och Fadime kaj keren buchi kontra hedersvåld thaj kamen o Shvedo te avel jekh them kaj skipij rakloran thaj djuvlan katar o nasolipe, von vi kamen o Shvedo te lel andre maj but kvot-flyktingar thaj kadi gruppa nashutnegi te avel shutini angluni.

E Nadia Murad penel ke voj chi delape pasha kadalestar puki chi achadjola e violencia kaj voj thaj but kaver djuvla nakle. Voj chi kamel o chorripe kaj si kherdo karing le djuvla feri te nashol thaj konik tena kerel variso.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".