Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/
Nyheter och program på romani

Atako pe Sveriges Radios korrespondent ande Ingusijen

Publicime torsdag 10 mars 2016 kl 14.47
Maj lasie buchi si man ande luma.
6:01 min
Maria Persson-Löfgren
Foto: Sveriges Radio

E Maria Persson-Löfgren, kaj si Sveriges Radios Moskvakorrespondent sas adjes tele maladi ande rusitsko delrepubliken Ingusijen. Dukadjilas jek cera ando atako ale akana kherej pachasa.

Karing 20 mursh maskenca taj pishtolonca aj shuranca, marde taj chorarde tetradjine 4:e journaliston taj aktiviston pe manushenge chachimata.

Von po drom sas ande Groznyj, kana lengo vurdon tele ashado sas. Intregi zene kusa o chaforo sas avri cirdine anda vurdon taj vi marde. Pala kodo pabarde lengo vurdon.

E journalistura avenas anda Norvego, Svedo taj Russia. Jek anda e rusitska journalistura, kerdas twittra pa atako. Vof skirias ke e dela kodo djes tradelas jek vurdon pala lende.

E rusitsko publikacia Kommersant sikav patretura pa vurdon sar pabol. Vi e norvegitsko NRK skiri pa atako.

O NRK penel ke e Människorättsaktivisterna aba but vrama keren buchi vi ande Ingusien taj ande Tjerjenien, taj ke kadi naj angluni data sar varikon kerdas pe lende atako.

O Sten Sjöström anda Sveriges Radio sas angla kodo Rysslandskorrespondent taj vof penel intrego than kaj si ando norra Kaukasus si tela kadal palune bersh jek than kaj but chorimata kerdjon. Perdo kriminalnosh kerdjol taj politisk förföljelse. Vi o IS si pe jek kotor anda than.

O Ekot vorbisardas e Mariasa kaj si inke jek cera ando choko pala so kerdjilas pe.

Tradasas po drom jek shel metri katar e granica mashkar Ossetien taj Tjetjenien kana tele pa drom malade amen trin vaj shtar vurdona. Anglunes gindias e Maria ke varisosko vipatko/olycka kerdjilas pe, ale jekfarsa hukle avri perdo terne mursh belenca aj pagrenas e felastri.

- Cipinas "tume san teroristura tume chi san människorättsaktivister, tume mudaren amare manushen". Pala kodo dine andre ande amaro buso taj cirdenas man balendar shude man avri taj marenas ande mande.

E mursh line laki techka taj marenas maj dur ande late taj jeka kavera zuvla, kana kodo kerenas birinas e kaver kaj sas ando busso te zan avri.

- Cipinas " Si tumen mobilura? Si tumen mobilura?" E kaver masisarde avri anda bususke felastri taj anda kodo chi dukadjile kade sar ame.

- Chi bizias man ke kerdjola kasavo bajo, nevi autobana sas taj perdo trafika. Kade ke kaj shaj kerdjon kasave bajura kaj si perdo trafika taj kaj si vi policia taj militero si chokovanoi bajo. Ale but manush nakle kasavo bajo taj akanak vi amen diklam sar si kodo. Te na inkresa e lenca vaj te san ande jek kaver vitca adunchi shaj petcis kasavo bajo.

E Maria Persson Löfgren penel ke sajek pala sa so kerdjilas pe mishtoj lake ke shaj avilon inke maj chores.

- Ame sa kaj petcisardam kado dam amen gindo ke shaj pabardon amen andre ando busso, ke pala kodo chak langa dine les.

Jek minuta zipun kodo sa kerdjilas pe pendas lake lako norvegitsko kolega ke sas la e maj lasie buchi ande intrego luma.

- Inke kade gindi ke si man e maj lasie buchi ande luma, feri maj bari risika si adjes te aves journalistka.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".